పవర్ స్టార్ పవన్ కళ్యాణ్ , దర్శకుడు హరీష్ శంకర్ తొలిసారి కలిసి ఇండస్ట్రీలో ఆల్ టైమ్ బ్లాక్ బస్టర్స్‌లో ఒకటైన గబ్బర్ సింగ్‌ ను అందించారు. ఈ బ్లాక్‌బస్టర్ కాంబో మైత్రీ మూవీ మేకర్స్ బ్యానర్‌పై నిర్మాతలు నవీన్ యెర్నేని, వై రవి శంకర్ ప్రతిష్టాత్మకంగా నిర్మిస్తున్న మరో స్పెషల్ మూవీ ‘ఉస్తాద్ భగత్ సింగ్‌’తో అలరించబోతుంది.
ఈ సినిమా మాసీవ్ షెడ్యూల్ సెప్టెంబర్ 5 నుంచి ప్రారంభం కానుంది. ఈ షెడ్యూల్‌లో పవన్ కళ్యాణ్‌తో పాటు ఇతర తారాగణంపై కీలక సన్నివేశాలను చిత్రీకరించనున్నారు. పవన్ సరసన శ్రీలీల హీరోయిన్‌గా నటిస్తుండగా, రాక్ స్టార్ దేవిశ్రీ ప్రసాద్ సంగీతం సమకూరస్తున్నారు. తాజాగా ఈ చిత్రానికి సంబంధించి మరో వార్త ఇండస్ట్రీలో వైరల్‌గా మారింది.
శ్రీలీలతో పాటు ఇంకో యంగ్ హీరోయిన్ కూడా ఉండనుందట. ఆమె ఎవరోకాదు గాండీవధారి అర్జున చిత్రాల్లో నటించిన హీరోయిన్ సాక్షి వైద్య.దీనిపై అఫిషియల్ అనౌన్స్‌మెంట్ రావాల్సి ఉంది.
Also Read:‘జవాన్’ కోసం ఆ ‘6’ గురు!
