ప్రముఖ నటి సాయి పల్లవి తన నటనతోనే కాకుండా తన సహజత్వంతోనూ అశేష ప్రేక్షకాదరణ పొందింది. వెండితెరపై ఎంత బిజీగా ఉన్నప్పటికీ ఆమె తన కుటుంబానికి ఇచ్చే ప్రాధాన్యత అంతా ఇంతా కాదు. తాజాగా సాయి పల్లవి తన కుటుంబంతో కలిసి గడిపిన కొన్ని అందమైన క్షణాలను సోషల్ మీడియా వేదికగా అభిమానులతో పంచుకుంది.
తన ఇన్స్టాగ్రామ్ ఖాతాలో షేర్ చేసిన ఈ ఫోటోలలో సాయి పల్లవి తన తల్లిదండ్రులు..సోదరి పూజా కన్నన్లతో కలిసి ప్రకృతి ఒడిలో ఎంతో సంతోషంగా కనిపిస్తోంది. రంగురంగుల వసంత కాలపు పువ్వులు, పచ్చని చెట్ల మధ్య కుటుంబ సభ్యులతో కలిసి దిగిన ఈ ఫోటోలు చూసేవారికి ఎంతో ఆహ్లాదాన్ని కలిగిస్తున్నాయి. ఈ ఫోటోలకు ఆమె ఎలాంటి సుదీర్ఘమైన క్యాప్షన్లు పెట్టనప్పటికీ, ఆ చిత్రాల్లోని వారి నవ్వులే ఆ బంధంలోని అనురాగాన్ని స్పష్టం చేస్తున్నాయి.
సాయి పల్లవి షేర్ చేసిన ఈ ఫ్యామిలీ ఫోటోలు వైరల్ గా మారాయి. ఎప్పుడూ మేకప్ లేకుండా చాలా సాధారణంగా కనిపించే సాయి పల్లవిని చూసి అభిమానులు మురిసిపోతున్నారు. నిజమైన సౌందర్యం అంటే ఇదే , చూడముచ్చటైన కుటుంబం అంటూ నెటిజన్లు కామెంట్ల వర్షం కురిపిస్తున్నారు.
Also Read:పద్మనాభస్వామి ఆలయంలో వజ్రాలు మాయం!