తమిళ బ్యూటీ సాయిపల్లవి ఫిదా సినిమాతో తెలుగు ప్రేక్ష‌కుల‌కు ద‌గ్గ‌రైంది. త‌న అందం, అభిన‌యంతో ఆక‌ట్టుకుంటూ తెలుగు, తమిళ భాష‌ల్లో స్టార్ హీరోల ప్రాజెక్టుల్లో మెరిసింది. ఈ అమ్మడు ఇంత‌కు ముందు త‌మిళంలో ‘మారి-2’, ‘ఎన్‌జీకే’ అనే చిత్రాల్లో నటించింది. ఇవి సాయిపల్లవికి తీవ్ర నిరాశనే మిగిల్చాయి. దీంతో ఆమెకు కోలీవుడ్‌లో అవకాశాలు రాలేదు. అయితే టాలీవుడ్‌లో సాయిపల్లవికి వరుస ఆఫర్లు రావడంతో స్టార్ హీరోయిన్‌గా ఎదిగింది.
అయితే తాజాగా ఈ బ్యూటీ కోలీవుడ్‌లో మరో చాన్స్‌ కొట్టేసినట్టు సమాచారం. అనేక హిట్‌ చిత్రాలను నిర్మించిన డ్రీమ్‌ వారియర్‌ పిక్చర్స్‌ నిర్మాణ సంస్థ తెరకెక్కించే ఈ చిత్రం లేడీ ఓరియంటెండ్‌ కథతో సాగనుంది. గౌతమ్‌ రామచంద్రన్‌ దర్శకత్వం వహించే ఈ ప్రాజెక్టుకు సంబంధించిన పూర్తి వివరాలతో త్వరలోనే అధికారిక ప్రకటన వెలువడే అవకాశం ఉంది. సాయిపల్లవి ప్ర‌స్తుతం తెలుగులో ల‌వ్ స్టోరీ, విరాట‌ప‌ర్వం చిత్రాల్లో నటించింది.
