మెగా హీరో సాయితేజ్, దేవ్ క‌ట్టా కాంబినేష‌న్‌లో రూపొందుతోన్న పొలిటికల్ థ్రిల్లర్‌ రిపబ్లిక్. జీ స్టూడియోస్‌ సమర్పణలో జె.బి.ఎంటర్‌టైన్‌మెంట్‌ పతాకంపై ఈ చిత్రాన్నినిర్మాత‌లు జె.భగవాన్, జె.పుల్లారావు నిర్మిస్తున్నారు. ఈ సినిమాలో సాయితేజ్ జోడీగా ఐశ్వర్య రాజేశ్ కనిపించనుంది. తాజాగా ఈ సినిమా సెన్సార్ కార్యక్రమాలను పూర్తి చేసుకుంది. సెన్సార్ బోర్డువారు ఈ సినిమాకి యు/ఎ సర్టిఫికెట్ ను మంజూరు చేశారు.
ఈ సినిమాను అక్టోబర్ 1వ తేదీన విడుదల చేయనున్నారు. కలెక్టర్ పాత్రను సాయితేజ్ పోషించిన ఈ సినిమాలో, పవర్ఫుల్ పొలిటికల్ లీడర్‌గా రమ్యకృష్ణ కనిపించనున్నారు. ఈ ఇద్దరి మధ్య సవాళ్లతో ఈ కథ నడుస్తుందని అంటున్నారు. ఇక ఈ సినిమాలో జగపతిబాబు ఒక కీలకమైన పాత్రలో కనిపించనున్నారు. ఆయన పాత్ర ఈ సినిమాకి హైలైట్‌గా నిలుస్తుందని చెబుతున్నారు. మణిశర్మ సంగీతం ఈ సినిమాకి ప్రత్యేక ఆకర్షణగా నిలవనుందని అంటున్నారు.
న‌టీన‌టులు:
సాయితేజ్
ఐశ్వ‌ర్యా రాజేశ్
జగపతిబాబు
రమ్యకృష్ణ
సుబ్బ‌రాజు
రాహుల్ రామ‌కృష్ణ
బాక్స‌ర్ దిన
సాంకేతిక వ‌ర్గం:
నిర్మాత‌లు: జె.భగవాన్, జె.పుల్లారావు, జీస్టూడియోస్‌, జె.బి.ఎంట‌ర్‌టైన్‌మెంట్స్
కథ, మాట‌లు, ద‌ర్శ‌క‌త్వం: దేవ్ క‌ట్టా
స్క్రీన్‌ప్లే: దేవ క‌ట్ట, కిర‌ణ్ జ‌య్ కుమార్‌
సినిమాటోగ్ర‌ఫీ: ఎం.సుకుమార్‌
మ్యూజిక్‌: మణిశర్మ
ఎడిట‌ర్‌: కె.ఎల్‌.ప్ర‌వీణ్
