భారత్..విశ్వగురువు కావాలి!

భారతదేశం త్వరలోనే ‘విశ్వగురువు’గా అవతరిస్తుందని, ఈ విషయాన్ని పవిత్ర సాధువులు ఇప్పటికే ప్రకటించారని రాష్ట్రీయ స్వయంసేవక్ సంఘ్ (RSS) సర్సంఘచాలక్ మోహన్ భగవత్ పేర్కొన్నారు. ముంబైలో జరిగిన ‘భారత్‌దుర్గ మందిర’ భూమిపూజ (శంకుస్థాపన) కార్యక్రమంలో ఆయన ఈ వ్యాఖ్యలు చేశారు.

భారతదేశం తన పురాతన వైభవాన్ని తిరిగి పొందుతుందని, ప్రపంచానికి మార్గనిర్దేశం చేసే శక్తిగా ఎదుగుతుందని భగవత్ ధీమా వ్యక్తం చేశారు. ఇది కేవలం కోరిక మాత్రమే కాదని, సాధువుల సంకల్పమని ఆయన అన్నారు.

సమాజంలోని ప్రతి ఒక్కరూ కులమతాలకు అతీతంగా ఏకతా భావంతో ముందుకు సాగాలని ఆయన పిలుపునిచ్చారు. హిందూ సమాజం ఐక్యంగా ఉన్నప్పుడే దేశం బలోపేతం అవుతుందని పేర్కొన్నారు.

Also Read:కేసీఆర్, కేటీఆర్, హరీశ్‌కు హైకోర్టులో రిలీఫ్

భారత్‌దుర్గ మందిరం కేవలం ఒక కట్టడం మాత్రమే కాదని, అది దేశభక్తికి మరియు శక్తికి ప్రతీక అని భగవత్ అభివర్ణించారు. మాతృభూమిని ‘దుర్గ’ రూపంలో ఆరాధించడం మన సంస్కృతిలో భాగమని చెప్పారు.

దేశంలో ప్రస్తుతం జరుగుతున్న ఆధ్యాత్మిక, సాంస్కృతిక మార్పులు భారతదేశాన్ని ప్రపంచ అగ్రగామిగా నిలబెట్టడానికి పునాదులు వేస్తున్నాయని ఆయన అభిప్రాయపడ్డారు.