ద‌ర్శ‌క‌ధీరుడు రాజమౌళి తెరకెక్కిస్తున్న మూవీ ఆర్ ఆర్ ఆర్. మెగా ప‌వ‌ర్ స్టార్ రామ్ చ‌ర‌ణ్, యంగ్ టైగ‌ర్ ఎన్టీఆర్ లు హీరోలుగా న‌టిస్తున్న విష‌యం తెలిసిందే. ఈసినిమా షూటింగ్ ఇటివ‌లే రామోజీ ఫిల్మ్ సిటీలో ప్రారంభమైంది. రామ్ చ‌ర‌ణ్, ఎన్టీఆర్ లపై యాక్ష‌న్ స‌న్నివేశాల‌ను చిత్ర‌క‌రిస్తున్నారు. ఇందులో ముగ్గురు హీరోయిన్లు న‌టించ‌నున్నార‌ని తెలుస్తుంది. చిత్ర‌యూనిట్ మాత్రం అధికారికంగా ప్ర‌క‌టించ‌క పోయినా ముఖ్యంగా కీర్తి సురేష్, స‌మంతల పేర్లు మాత్రం ఎక్కువ‌గా వినిపిస్తున్నాయి.
ఈచిత్రంలో ఎన్టీఆర్ లుక్ కి సంబంధించిన ఫోటోలు సోషల్ మీడియాలో వైర‌ల్ అవుతున్నాయి. ఎన్టీఆర్ ఈసినిమాలో లావుగా క‌నిపించ‌నున్నట్లు తెలుస్తుంది. అందుకోసం ఆయ‌న ఇప్ప‌టికే లావుగా అయ్యాడ‌ని వార్తలు వ‌స్తున్నాయి. అంతేకాదు ఎన్టీఆర్ లావుగా కనిపిస్తున్న ఫోటోలు కూడా సోషల్ మీడియాలో హల్‌చల్ చేస్తున్నాయి.
అయితే ఈవార్తలపై స్పందించిన ఎన్టీఆర్ పర్సనల్‌ ఫిజికల్ ట్రైనర్ లాయిడ్‌ స్టీవెన్స్‌. సోషల్ మీడియాలో వైల‌ర్ అవుతున్న ఫోటోలు అవి పాత‌య‌ని వివ‌ర‌ణ ఇచ్చారు. బాహుబలి తరువాత రాజమౌళి ప్రతిష్టాత్మకంగా తెరకెక్కిస్తున్న ఈ సినిమాకు విజయేంద్ర ప్రసాద్‌కథ అందిస్తుండగా కీరవాణి సంగీతమందిస్తున్నారు. డీవీవీ దానయ్య నిర్మిస్తున్నారు.
