ప్రభోద్‌చేత ముగిసిన కృష్ణంరాజు అంత్యక్రియలు

ప్రముఖ అలనాటి సీనియర్‌ నటుడు, రెబల్‌స్టార్‌ కృష్ణంరాజు అంతిమ సంస్కారాలు అధికార లాంఛనాలతో అంత్యక్రియలు ముగిశాయి. మొయినాబాద్‌లోని తన ఫాంహౌస్‌లో కృష్ణంరాజు సోదరుడి కూమారుడి చేత ప్రభోద్‌ (ప్రభాస్‌ సోదరుడు) అంత్యక్రియలు నిర్వహించారు. జూబ్లీహిల్స్‌లోని ఆయన నివాసం నుంచి అంతిమయాత్ర ప్రారంభమైంది. బీఎన్‌ఆర్‌ కాలనీ బ్రిడ్జ్‌, గచ్చిబౌలి, అప్పా జంక్షన్‌ మీదుగా మొయినాబాద్‌కు అంతిమయాత్ర కొనసాగింది.

రెబల్ స్టార్ కృష్ణంరాజు (83) ఆదివారం తెల్లవారుజామున కన్నుమూసిన విషయం తెలిసిందే. కొంతకాలంగా అనారోగ్యంతో బాధపడుతున్న ఆయన హైదరాబాద్‌లోని ఏఐజీ దవాఖానలో తుదిశ్వాస విడిచారు. జూబ్లీహిల్స్‌లోని నివాసంలో ఆయన భౌతికకాయానికి సినీ, రాజకీయ ప్రముఖులు ఘనంగా నివాళులు అర్పించారు. ఆయనతో తమకు ఉన్న అనుబంధాన్ని గుర్తుచేసుకున్నారు.