టాలీవుడ్‌ హీరో రవితేజ హీరోగా క్రియేటివ్ డైరెక్టర్ సుధీర్ వర్మ కాంబినేషన్‌లో రాబోతోన్న చిత్రం రావణాసుర. రవితేజ 70వ చిత్రాన్ని అభిషేక్ పిక్చర్స్, ఆర్‌టీ టీం వర్క్స్ బ్యానర్ల మీద అభిషేక్ నామా అత్యంత భారీగా నిర్మిస్తున్నారు. ఈ సినిమా ఈ రోజున పూజా కార్యక్రమాలను జరుపుకోనుంది. ఈ నేపథ్యంలో ఈ సినిమా నుంచి రవితేజ కొత్త పోస్టర్ ను వదిలారు. గాయాలతోనే రవితేజ సిగార్ వెలిగిస్తున్న ఈ పోస్టర్ .. సినిమాపై ఆసక్తిని పెంచుతోంది.
తాజాగా ఈ సినిమా రిలీజ్ డేట్ ను ప్రకటించారు. సెప్టెంబర్ 30వ తేదీన ఈ సినిమాను విడుదల చేస్తున్నారు. ఇందులో సుశాంత్ కీలకమైన పాత్రలో కనిపించనున్నాడు. ఈ నెలలోనే రెగ్యులర్ షూటింగు మొదలుకానుంది. సుధీర్ వర్మ తన సినిమాలను ఎంత కొత్తగా, స్టైలీష్‌గా తెరకెక్కిస్తారో అందరికీ తెలిసిందే. ఈ చిత్రంలో రవితేజను ఇది వరకు ఎన్నడూ చూడని విధంగా చూపించబోతోన్నారు.ఈ పోస్టర్‌ను బట్టే మనకు ఆ విషయం అర్థమవుతోంది. కొత్త కాన్సెప్ట్‌తో రాబోతోన్న రవితేజ 70వ ప్రాజెక్ట్‌ యాక్షన్ థ్రిల్లర్ జానర్‌లో ఉండబోతోంది.
