క్రియేటివ్ డైరక్టర్ రవిబాబు చాలారోజుల నుండి సైలెంట్ గా ఉంటున్నాడు. ఇప్పుడు ”అదుగో” అంటు సినిమాను ఎవ్వరికీ తెలియకుండ కామ్ గా తన పని తాను చేసుకుంటూ. తన సినిమాలోని ముఖ్యమైన పాత్రను పరిచయం చేస్తూ ఒక టీజర్‌తో వచ్చేశాడు. మరి ఈ డైరెక్టర్‌ ఒక పందిపిల్లతో సినిమా తీస్తున్నాడు. ఈ విషయం తెలిసిన అందరూ షాకుకు గురయ్యారు.
ఈ మూవీలో కేవలం ఆర్నెల్లు వయస్సున్న ఒక పిగ్లెట్‌ను ఏకంగా ఆస్ర్టేలియా నుండి దిగుమతి చేసుకుని.. దానితో ”అదుగో” అంటూ సినిమా తీసేశాడు. ఈ సినిమాలో పంది పిల్లే హీరో అంటూ చెబుతూ ఒక టీజర్‌ను రిలీజ్ చేసి భలే తమాషా చేస్తున్నాడు రవిబాబు. పైగా ఈ వీడియోలో నువ్వు డైరక్టర్ వి ఏంట్రా అంటూ తన మీద తానే సెటైర్ కూడా వేయించుకున్నాడు. మొత్తానికి ఈ వీడియోలో చూపించిన పందిపిల్ల మాత్రం గ్రాఫిక్స్ లో ఆణిముత్యంగా చెక్కించాడు. బహుశా అందుకే సినిమా లేటై ఉండొచ్చు.
మనం ‘ఈగ’ వంటి టెక్నలాజికల్ వండర్ ను చూశాక.. ఇప్పుడు ‘అదుగో’లో ఒక పంది పిల్ల సాహసాన్ని చూడబోతున్నాం అనమాట. రవిబాబు డైరక్షన్లో రూపొందిన ఈ సినిమాను సురేష్ బాబు నిర్మించారు. త్వరలోనే సినిమాను రిలీజ్ చేయడానికి సన్నాహాలు చేస్తున్నారట.
