రాజ్యసభ సభ్యులు జోగినిపల్లి సంతోష్ కుమార్ చేపట్టిన గ్రీన్ ఇండియా ఛాలెంజ్ లో భాగంగా ఈ రోజు తమ కుటుంబ సభ్యురాలు జ్యోతి పుట్టినరోజు సందర్భంగా నేడు కూకట్ పల్లి లోని తమ నివాసంలో కుటుంబ సభ్యులతో కలిసి మొక్కలు నాటారు రిటైర్డ్ ఐఏఎస్ అధికారి రామచంద్రు తేజావత్.
ఈ సందర్భంగా ఆయన మాట్లాడుతూ నేను ఒక పకృతి సైనికుడిగా రాజ్యసభ సభ్యులు జోగినిపల్లి సంతోష్ కుమార్ గారు చేపట్టిన గ్రీన్ ఇండియా ఛాలెంజ్ తో ఏకీభవిస్తున్నాను అని అన్నారు.మొక్కలు నాటడానికి ఏ సందర్భం ఐన ఎంచుకోంని మొక్కలు నాటాలని కోరారు. భూమిపై జీవించే ప్రతి ప్రాణికి ప్రకృతితో అనుబంధం ఉందని ప్రకృతిని కాపాడుకోవాలి అంటే మొక్కలు నాటడమే పరిష్కారమని తెలిపారు.
మొక్కల నుండి మనకు పండ్లు, వివిధ రకాల ఆహార పదార్ధాలు ,ఆక్సిజన్ అందుతాయని మొక్కలు నాటడమే కాకుండా సంరక్షించే బాధ్యత కూడా తీసుకోవాలని పిలుపునిచ్చారు. ఇంత మంచి కార్యక్రమం చేపట్టి ముందుకు తీసుకుపోతున్న రాజ్యసభ సభ్యులు జోగినిపల్లి సంతోష్ కుమార్ గారు అభినందనలు తెలియజేశారు.
