మరోసారి సంక్రాంతి బరిలో రజనీ..!

మరోసారి సంక్రాంతి బరిలో నిలిచేందుకు సిద్ధమయ్యాడు సూపర్ స్టార్ రజనీకాంత్. 2019, 2020 సంక్రాంతి బరిలో నిలిచి హిట్ కొట్టిన రజనీ 2021లో కూడా హిట్ కొట్టి హ్యాట్రిక్ కొట్టేందుకు ప్రణాళిక సిద్ధం చేస్తున్నాడు.

ప్రస్తుతం రజనీ….శివ దర్శకత్వంలో సినిమా చేస్తున్నారు. లాక్ డౌన్ కారణంగా సినిమా షూటింగ్ వాయిదా పడింది. కరోనా పరిస్ధితులు చక్కబడిన తర్వాత సినిమా షూటింగ్ పూర్తిచేసి సంక్రాంతికి రిలీజ్ చేయాలనే ఆలోచనలో ఉన్నారట.

తొలుత దీపావళికే సినిమాను రిలీజ్ చేయాలనుకున్నా అప్పటికి షూటింగ్ పూర్తి అయ్యే ఛాన్స్ లేకపోవడంతో సంక్రాంతి బరిలో నిలిచేందుకే మొగ్గుచూపారట. మొత్తంగా సంక్రాంతికి హ్యాట్రిక్ హిట్ కొట్టాలన్న రజనీ ప్రయత్నాలు ఏ మేరకు ఫలిస్తాయో వేచిచూడాలి.