పాన్‌ ఇండియా స్టార్‌ ప్రభాస్ హీరోగా నాగ్ అశ్విన్ దర్శకత్వంలో రూపొందుతున్న చిత్రం ‘కల్కి 2898 AD’. ఈ మూవీలో లెజెండరీ దర్శకుడు రాజమౌళి స్పెషల్ కామియో రోల్ లో కనిపిస్తారని కథనాలు వెలువడుతున్నాయి. మరోవైపు జక్కన్న డైరెక్షన్ టీమ్‌లో చేరాడనే టాక్ నడుస్తోంది. ఈ విషయంలో నిజమెంతో తెలియదు కానీ ఫ్యాన్స్ మాత్రం పండగ చేసుకుంటున్నారు. మరోవైపు కల్కి సినిమాపై నిర్మాత అశ్వినీదత్ ఆసక్తికర వ్యాఖ్యలు చేశారు. అశ్వినీదత్ మాట్లాడుతూ.. ‘ఈ మూవీ షూటింగ్‌ లో వచ్చే నెల నుంచి కమల్ హాసన్ జాయిన్ కానున్నారు.
అమెరికాలో కమల్ లుక్ టెస్ట్ పూర్తయింది. సినిమా కోసం వరల్డ్ బెస్ట్ గ్రాఫిక్స్ కంపెనీలు వర్క్ చేస్తున్నాయ్ అని అశ్వినీదత్ చెప్పుకొచ్చారు. కాగా, ఈ సినిమా వి.ఎఫ్.ఎక్స్ కోసం రూ. 230 కోట్లు ఖర్చు చేస్తున్నట్లు వార్తలు వినిపిస్తున్నాయి. . ఈ సినిమా కథ విషయానికి వస్తే.. కలియుగం అంతంలో జరిగే కథా నేపథ్యంలో విష్ణువు పదో అవతారమైన ‘కల్కి’ అవతరించి.. కలిని అంతమొందిస్తాడనే కథాంశంతో డైరెక్టర్ నాగ్ అశ్విన్ ఈ చిత్రం రూపొందించడనే టాక్ నడుస్తోంది. కాగా, ఈ సినిమాలో కల్కిగా ప్రభాస్ కనిపిస్తుండగా.. కలిగా లోకనాయకుడు కమల్ హాసన్ నటిస్తున్నాడు.
Also Read:RFCలో పుష్ప 2!
నిర్మాత అశ్వినీదత్ వైజయంతి మూవీస్ బ్యానర్ పై చిత్రాన్ని నిర్మిస్తుండగా, నాగ్ అశ్విన్ దర్శకత్వం వహిస్తున్నారు. ఇలాంటి సినిమాలు తీయడం పెద్ద టాస్క్‌. అయినా నాగ్ అశ్విన్ ఈ సినిమాని చాలా బాగా హ్యాండిల్ చేస్తున్నాడట. ముఖ్యంగా ప్రభాస్ లుక్స్‌ అదుర్స్‌. కాగా, ఈ సినిమాలో అమితాబ్ బచ్చన్, కమల్ హాసన్ కీలక పాత్రలలో నటిస్తున్నారు.
Also Read:షోలాపూర్‌కు మంత్రి హరీష్‌ రావు
