మాస్ మహా రాజా రవితేజ చివరి సినిమా ‘బెంగాల్ టైగర్’ విడుదలై 20 నెలలు దాటిపోయింది. రవితేజ సినిమా ఫస్ట్ లుక్.. టీజర్.. లాంటి విశేషాలు విని రెండేళ్లవుతోంది. ప్రస్తుతం అనిల్ రావిపూడి దర్శకత్వంలో రవితేజ హీరోగా దిల్ రాజు నిర్మిస్తున్న సినిమా ‘రాజా ది గ్రేట్’. స్వాతంత్య్ర దినోత్స‌వం సంద‌ర్భంగా ఈ రోజు చిత్ర టీజర్ విడుదల చేశారు.
ఈ మూవీలో అంధుడిగా కనిపించనున్న మాస్ మాహ‌రాజ్ త‌న‌దైన స్టైల్ లో రెచ్చిపోయాడు. టీజర్‌లో అంధుడి గా క‌నిపిస్తూ ప్రేక్షకులకు మంచి ఎంట‌ర్‌టైన్‌మెంట్ అందించాడు. ఐమామ్ ది బ్లైండ్.. బ‌ట్ ఐయామ్ ది ట్రైన్డ్ అంటూ రవితేజ చెప్పే డైలాగ్ అభిమానుల‌కు ఆనందాన్ని రెట్టింపు చేసింది.ఈ చిత్రాన్ని అక్టోబరు 12న విడుదల చేయాలనుకుంటున్నారు. షూటింగ్ దాదాపుగా పూర్తి కావచ్చింది. సాయి కార్తీక్ సంగీతంలో రూపొందిన పాట‌లు త్వ‌ర‌లోనే విడుదల కానున్నాయి. మెహరీన్ కౌర్ ఇందులో క‌థానాయిక‌గా న‌టిస్తుంది. ప్రస్తుతం రవితేజ ట‌చ్ చేసి చూడు , రాజా ది గ్రేట్ అనే చిత్రాలు చేస్తున్న సంగ‌తి తెలిసిందే.మ‌రి తాజాగా విడుద‌లైన టీజర్ పై మీరు ఓ లుక్కేయండి.
