న్యూఢిల్లీలో మహిళా జర్నలిస్టులపై జరిగిన లైంగిక వేధింపుల ఆరోపణల వ్యవహారం తీవ్ర దుమారం రేపుతోంది. అక్టోబర్ 3న జంతర్ మంతర్ వద్ద జరిగిన నిరసన ప్రదర్శన సందర్భంగా ముగ్గురు మహిళా జర్నలిస్టులపై లైంగిక వేధింపులకు పాల్పడ్డారనే ఆరోపణలకు నిరసనగా సోమవారం పార్లమెంట్ స్ట్రీట్ పోలీస్ స్టేషన్ వెలుపల ప్రదర్శన నిర్వహించిన నిరసనకారులను ఢిల్లీ పోలీసులు అదుపులోకి తీసుకున్నారు.
అక్టోబర్ 3న జంతర్ మంతర్ వద్ద నిర్వహించిన నిరసన కవరేజ్ సందర్భంగా కొందరు పోలీస్ అధికారులు తమ పట్ల అనుచితంగా ప్రవర్తించారని, లైంగిక వేధింపులకు పాల్పడ్డారని ముగ్గురు మహిళా జర్నలిస్టులు ఆరోపించారు. ఈ ఘటనపై సదరు మహిళా జర్నలిస్టులు న్యూఢిల్లీ జిల్లా పోలీసులకు ఫిర్యాదు చేశారు.
Also Read:వైవా హర్ష ..లీస్ట్ ఎలిజిబుల్ బ్యాచిలర్
మహిళా జర్నలిస్టుల ఫిర్యాదుల ఆధారంగా నిష్పాక్షికమైన విచారణ జరిపేందుకు ఈ కేసును క్రైమ్ బ్రాంచ్‌కు బదిలీ చేసినట్లు ఢిల్లీ పోలీసులు తెలిపారు. బాధ్యులపై కఠిన చర్యలు తీసుకోవాలని, కేసు నమోదు చేయాలని డిమాండ్ చేస్తూ ఆందోళనకారులు పోలీస్ స్టేషన్ వద్దకు చేరుకోవడంతో ఉద్రిక్త వాతావరణం నెలకొంది. శాంతిభద్రతల పరిరక్షణ నిమిత్తం రంగంలోకి దిగిన పోలీసులు ఆందోళనకారులను అదుపులోకి తీసుకున్నారు.