వారసుడు సినిమాకు సంబందించి విజయ్ ఒకే ఒక్క ప్రమోషన్ ఈవెంట్ లో కనిపించాడు. అయితే విజయ్ ముందు నుండి అంతే సినిమా ప్రమోషన్స్ చాలా దూరంగా ఉంటాడు. జస్ట్ ఒకే ఒక్క సారి ప్రమోషన్ చేస్తాడు అది ముందే అగ్రిమెంట్ లో ఉంటుంది. అయితే విజయ్ మాత్రమే కాదు ఈ సినిమాలో హీరోయిన్ గా నటించిన రష్మిక కూడా ఈ సినిమా ప్రమోషన్ కి దూరంగా ఉంటుంది. సంక్రాంతి బరిలో నిలిచిన ఈ సినిమాకు సంబందించి చెన్నై లో నిర్వహించిన ఈవెంట్ లో మాత్రమే రష్మిక కనిపించింది.
తెలుగులో ఒక్క ప్రెస్ మీట్ కి కూడా ఆమె రాలేదు. తాజాగా దిల్ రాజు వారసుడు టీం కి గ్రాండ్ గా హైదరాబాద్ లో పార్టీ ఇచ్చారు. కానీ ఇక్కడ కూడా రష్మిక కనిపించలేదు. నిజానికి వారసుడు రిలీజ్ తర్వాత హైదరాబాద్ లో టీం అందరితో దిల్ రాజు ఓ సక్సెస్ మీట్ పెట్టారు. ఆర్టిస్టులు , టెక్నీషియన్స్ కూడా హాజరయ్యారు. కానీ రష్మిక మాత్రం ఆ వేదికపై కనిపించకుండా డుమ్మా కొట్టింది.
మరి రిలీజ్ తర్వాత రష్మిక ఈ సినిమా ప్రమోషన్ కి దూరంగా ఉండటంతో దర్శకుడు వంశీ పైడిపల్లి కి ఆమెకు ఏమైనా చెడిందా ? అనే అనుమానాలు కలుగుతున్నాయి. ఏదేమైనా వారసుడు తెలుగు వర్షన్ ప్రమోషన్ లో ఎట్రాక్షన్ గా ఉండాల్సిన కన్నడ బ్యూటీ సైలెంట్ అయి ఈ సినిమాకు దూరంగా ఉంటుంది.
ఇవి కూడా చదవండి…
