ప్రభాస్ హీరోగా, మ‌హాన‌టి ఫేమ్ నాగ్ అశ్విన్ ద‌ర్శ‌క‌త్వంలో వస్తున్న సినిమా ‘ప్రాజెక్ట్ కె.’ వైజ‌యంతీ ఫిల్మ్స్ బ్యాన‌ర్‌లో తెర‌కెక్కుతున్న ఈ సినిమాలో దీపికా ప‌దుకొణె, అమితాబ్ బ‌చ్చ‌న్ కీల‌క పాత్ర‌లు పోషిస్తున్నారు. ఐతే, ఈ సినిమా గురించి ఓ క్రేజీ న్యూస్ సినీ వర్గాలలో వైరల్ అవుతోంది. మేకర్స్ ప్రభాస్ ‘ప్రాజెక్ట్ K’ మూవీని రెండు భాగాలుగా ప్లాన్ చేస్తున్నట్లు ఆ రూమర్ల సారాంశం. ఇప్పటికే మొదటి భాగానికి సంబంధించిన షూటింగ్ పార్ట్ అయిపోయిందని.. ఆ ఫస్ట్ పార్ట్ నే వచ్చే ఏడాది రిలీజ్ చేస్తారని అంటున్నారు. ఐతే, ఈ సినిమా రెండు పార్ట్స్‌లో రానుందని వస్తున్న వార్త‌ల పై మేకర్స్ క్లారిటీ ఇచ్చారు.
‘ప్రాజెక్ట్ కె’ రెండు పార్ట్స్ గా రాబోతుంది అని వస్తున్న వార్తల్లో ఏ మాత్రం నిజం లేద‌ని, ప్రాజెక్ట్ కె ఒకే భాగంలో రానుందని నాగ్ అశ్విన్ తన స‌న్నిహితులతో క్లారిటీ ఇచ్చాడు. ఈ సినిమా కథ విషయానికి వస్తే… నాగ్ అశ్విన్ ప్రత్యేకంగా డిజైన్ చేశాడట. ఇంతవరకూ తెలుగు సినిమా చూడని నేపథ్యాన్ని ఈ సినిమాలో చూపించడానికి నాగ్ అశ్విన్ బాగా కష్టపడుతున్నాడట. మరి ఆ నేపథ్యం ఏమిటో చూడాలి. ఐతే పక్కా సైన్స్‌ ఫిక్షన్‌ కథాంశంతో ఈ సినిమా తెరకెక్కుతుందని టాక్ ఉంది.
అందుకే, ఈ ‘ప్రాజెక్ట్ కె’ కోసం సీనియర్ దర్శకుడు సింగీతం శ్రీనివాసరావు స్క్రీన్‌ప్లే పర్యవేక్షకుడిగా పెట్టుకున్నారు. సాయి మాధవ్ బుర్రా ఈ సినిమాకి డైలాగ్స్ రాస్తున్నారు. అన్నట్టు ఈ సినిమాలో ప్రభాస్ సూపర్ హీరో క్యారెక్టర్ లో కనిపించనున్నాడు. ప్రభాస్ సరసన బాలీవుడ్ బ్యూటీ దీపికా పదుకొనే హీరోయిన్ గా నటిస్తున్న సంగతి తెలిసిందే. ఇద్దరి మధ్య రొమాంటిక్ మూమెంట్స్ చాలా బాగుంటాయట.
ఇవి కూడా చదవండి…
