- Advertisement -
తెలంగాణలో బతుకమ్మ సంబురాలు 3వ రోజు వైభవంగా కొనసాగుతున్నాయి. ఈ సందర్భంగా తెలంగాణ ప్రజలందరికీ ప్రత్యేకంగా ఆడపడుచులకు కాంగ్రెస్ పార్టీ జాతీయ కార్యదర్శి ప్రియాంకా వాద్రా ట్విటర్‌ వేదికగా బతుకమ్మ పండుగ శుభాకాంక్షలు తెలిపారు. బతుకమ్మ పండుగతో మాజీ ప్రధాని ఇందిరాగాంధీకి ఉన్న అనుబంధాన్ని గుర్తు చేస్తూ అప్పటి ఫోటోను ట్విటర్లో షేర్‌ చేశారు. ప్రస్తుతం ఈ ట్విటర్లో వైరల్‌ ఆవుతుంది.
1978లో ఓరుగల్లులో నిర్వహించిన బతుకమ్మ పండుగ సంబురాల్లో తన నానమ్మ ఇందిరాగాంధీ పాల్గొనడం ఒక మధుర స్మృతి అని పేర్కొన్నారు. ప్రకృతిని ప్రేమిస్తూ, పువ్వులను అందంగా పేర్చి ఊరూ వాడా కలిసి చేసుకునే పండుగ రాష్ట్ర ప్రజలకు ఆనందాన్ని సంతోషాన్ని కలుగజేయాలని కోరుకుంటున్నట్టు ట్విటర్లో వెల్లడించారు.
- Advertisement -
