జనవరి 26న జరగనున్న 76వ గణతంత్ర దినోత్సవ వేడుకలకు దేశవ్యాప్తంగా ఘనంగా సన్నాహాలు కొనసాగుతున్నాయి. న్యూఢిల్లీ లోని కర్తవ్యపథ్ వేదికగా జరిగే ప్రధాన పరేడ్కు భారత త్రివిధ దళాలు—ఆర్మీ, నేవీ, ఎయిర్ఫోర్స్—అత్యంత క్రమశిక్షణతో రిహార్సల్స్ నిర్వహిస్తున్నాయి. ఆధునిక ఆయుధాలు, యుద్ధ వాహనాలు, సైనిక సామర్థ్యాన్ని ప్రతిబింబించే విన్యాసాలతో పరేడ్ మరింత ఆకర్షణీయంగా మారనుంది.
త్రివిధ దళాలతో పాటు సీఐఎస్ఎఫ్, ఐటీబీపీ వంటి పారా మిలిటరీ బలగాలు కూడా రిహార్సల్స్లో పాల్గొంటూ తమ శౌర్యాన్ని, అప్రమత్తతను ప్రదర్శిస్తున్నాయి. గగనతలంలో ఎయిర్ఫోర్స్ విమానాల ఫ్లైపాస్ట్ ప్రత్యేక ఆకర్షణగా నిలవనుంది.
ఈ ఏడాది గణతంత్ర దినోత్సవ వేడుకలు “దేశ సాంస్కృతిక వైభవం, సమానత్వం, అభివృద్ధి – జన్ భాగీ ధారి” అనే థీమ్తో నిర్వహించనున్నారు. వివిధ రాష్ట్రాలు, కేంద్ర పాలిత ప్రాంతాల శకటాలు భారతదేశపు వైవిధ్యభరిత సంస్కృతి, సంప్రదాయాలు, అభివృద్ధి కార్యక్రమాలను ప్రతిబింబించనున్నాయి. ప్రజల భాగస్వామ్యంతో దేశం సాధిస్తున్న పురోగతిని ఈ వేడుకల ద్వారా ప్రపంచానికి చాటిచెప్పనున్నారు.
Also Read:మూసీ కన్నా..రేవంత్ భాషే కంపుకొడుతోంది!
భద్రతా ఏర్పాట్లు కట్టుదిట్టంగా ఉండగా, దేశవ్యాప్తంగా ప్రజల్లో దేశభక్తి ఉత్సాహం వెల్లివిరుస్తోంది.