పవన్ కళ్యాణ్‌ను ఇక్కడ చూసి సర్ ప్రైజ్ అయ్యాను అన్నారు విలక్షణ నటుడు ప్రకాశ్‌ రాజ్. గురువారం విశ్వక్ సేన్ కొత్త చిత్రం ప్రారంభమైంది. ఈ కార్యక్రమానికి పవన్ కళ్యాణ్,ప్రకాశ్‌ రాజ్ ముఖ్య అథితులుగా హాజరైయ్యారు. ఈ కార్యక్రమంలో ప్రకాష్ రాజ్ పవన్ పై ఆసక్తికర వ్యాఖ్యలు చేశారు. పవన్ కళ్యాణ్ గారిని ఇక్కడ చూసి సర్ ప్రైజ్ అయ్యాను. ”మీరు ఇక్కడ ఏంటి ?’ అని అడిగాను. అర్జున్ అంటే ఇష్టం. అద్భుతమైన వ్యక్తి. ఆయన పక్కన నిల్చోవాలనిపించింది” అన్నారు.
ఇది అర్జున్ గారు ఇన్నేళ్ళుగా సంపాదించుకున్న మంచితనం. తన కుమార్తెని ఇండస్ట్రీకి పరిచయం చేయడం ఇంకా నచ్చిందని ప్రకాశ్‌ రాజ్ అన్నారు. ఈ సినిమాలో నేను కూడా ఉంటాను. ఐతే డబ్బులు మాత్రం తీసుకోనని కండీషన్ పెట్టా (నవ్వుతూ). ఐశ్వర్యను మీ అందరూ ఆదరించాలి. విశ్వక్ ఎనర్జీటిక్ హీరో. తనకంటూ ఒక ఇమేజ్‌ని సంపాదించుకొని ముందుకు వెళ్తున్నారు. మంచి టెక్నికల్ టీమ్ పని చేస్తుంది. ఈ సినిమా విజయం సాధించాలని కోరుకుంటున్నాను అని ప్రకాశ్‌ రాజ్ తెలిపారు.
యంగ్ అండ్ ప్రామిసింగ్ హీరో విశ్వక్ సేన్ కథానాయకుడి గా ఐశ్వర్య అర్జున్ కథానాయిక గా ఒ చిత్రం తెరకెక్కబోతుంది. ఈ మూవీకి యాక్షన్ కింగ్ అర్జున్ సర్జా రచయిత, నిర్మాత, దర్శకుడిగా వ్యవహరిస్తున్నారు. అర్జున్ సొంత బ్యానర్ శ్రీరామ్ ఫిల్మ్స్ ఇంటర్నేషనల్ ప్రొడక్షన్ నెం 15లో స్వయంగా నిర్మిస్తున్న ఈ సినిమాతో అర్జున్ కుమార్తె ఐశ్వర్య అర్జున్ తెలుగులో కథానాయికగా పరిచయం అవుతున్నారు. జగపతిబాబు కీలక పాత్ర పోషిస్తున్నారు.
ఈ చిత్రం పూజా కార్యక్రమానికి పవర్ స్టార్ పవన్ కళ్యాణ్ ముఖ్య అతిధిగా హాజరై క్లాప్ కొట్టి చిత్ర యూనిట్ కి బెస్ట్ విశేష్ అందించారు. తొలి షాట్ కి వెటరన్ దర్శకులు రాఘవేంద్రరావు దర్శకత్వం వహించగా, ప్రకాష్ రాజ్ కెమెరా స్విచ్ ఆన్ చేయగా, మంచు విష్ణు స్క్రిప్ట్ ని హ్యాండోవర్ చేశారు. వీరితో పాటు బీవీఎస్ఎన్ ప్రసాద్ ఈ కార్యక్రమానికి హాజరై టీమ్ కి బెస్ట్ విశేష్ అందించారు.
