నేషనల్ స్టార్ ప్రభాస్ కు ప్రస్తుతం ఇండియా వైడ్ గా ఏ రేంజ్ లో క్రేజ్ ఉందో ప్రత్యేకంగా చెప్పవలసిన అవసరం లేదు. ప్రభాస్ నుంచి వచ్చే మూవీ కోసం ఇండియా వైడ్ గా ఎదురు చూసే పరిస్థితి. ఇక ప్రభాస్ కు ఉన్న క్రేజ్ కు తగ్గట్టుగానే ఇండియన్ బాక్సాఫీస్ వద్ద ఆయన సినిమాలు కాసుల వర్షం కురిపిస్తూ ఉంటాయి. టాక్ తో సంబంధం లేకుండా వందల కోట్లను అవలీలగా సాధిస్తుంటాయి. ప్రస్తుతం ప్రభాస్ చేతి నిండా క్రేజీ ప్రాజెక్ట్స్ తో ఫుల్ బిజీ గా ఉన్న సంగతి తెలిసిందే. తాజాగా బాక్సాఫీస్ వద్దకు వచ్చిన ప్రభాస్ చిత్రం ” ఆదిపురుష్ “. ఎన్నో వివాదాల నడుమ ఈ నెల 16న విడుదల అయిన ఈ సినిమా మిక్స్డ్ టాక్ సొంతం చేసుకున్నప్పటికి కలెక్షన్ల పరంగా సరికొత్త రికార్డ్ లను సెట్ చేస్తోంది. .
తొలిరోజు ఈ మూవీ ప్రపంచ వ్యాప్తంగా రూ. 138.64 కోట్ల గ్రాస్ రాబట్టి సరికొత్త రికార్డులను సెట్ చేసినట్లు ట్రేడ్ వర్గాలు చెబుతున్నాయి. రెండు తెలుగు రాష్ట్రాల్లో రూ. 50.93 కోట్లు, కర్నాటక లో రూ. 8 కోట్లు, తమిళనాడు, కేరళ వంటి రాష్ట్రాలలో రూ. 2.35 కోట్లు, నార్త్ రాష్ట్రాలలో రూ. 48.24 కోట్లు, ఓవర్సీస్ లో రూ. 26.75 కోట్లు వసూళ్లు రాబట్టినట్లు ట్రేడ్ వర్గాలు చెబుతున్నాయి. మిశ్రమ టాక్ తోనే ఈ రేంజ్ వసూలు అందుకోవడంతో సినీ విశ్లేషకులు సైతం నోరెళ్ళబెడుతున్నారు. అయితే తొలిరోజే రూ.138 కోట్లకు పైగా వసూళ్లు అందుకోవడంతో ఎవరికి సాధ్యం కానీ ఒక రికార్డ్ ను ప్రభాస్ తన ఖాతాలో వేసుకున్నాడు.
Also Read: ఒక్క ప్లాప్ ఎన్నెన్నో నేర్పించింది
మూడు సినిమాలతో రిలీజ్ అయిన మొదటి రోజే వంద కోట్లకు పైగా వసూళ్లు అందుకున్న హీరోగా ఇండియన్ హిస్టరీ క్రీయేట్ చేశాడు. బాహుబలి 2 మూవీ రిలీజ్ అయిన తొలిరోజు రూ. 122 కోట్ల వసూళ్లు రాబట్టగా, సాహో మూవీ రూ. తొలిరోజు రూ. 100 కోట్లు సాధించింది. ఇక తాజాగా ఆది పురుష్ మూవీ మిక్స్డ్ టాక్ తో కూడా రూ. 138 కోట్ల వసూళ్లు రాబట్టింది. దీంతో ఇంతవరకు ఏ హీరోకు కూడా సాధ్యంకాని రికార్డ్ ను ప్రభాస్ తన ఖాతాలో వేసుకోవడంతో ఆయన అభిమానులు ఫుల్ ఖుషీ అవుతున్నారు. ఇక ప్రభాస్ తన తదుపరి సినిమాలు సలార్, ప్రాజెక్ట్ కె, రాజా డీలక్స్, స్పిరిట్ వంటి మూవీస్ తో ఇంకెలాంటి రికార్డ్స్ సెట్ చేస్తాడో చూడాలి.
Also Read: అందుకోసమే అందాల వరద
