హీరోయిన్‌ పూర్ణ ఇటు తెలుగుతో పాటు అటు తమిళ్, మలయాళం, కన్నడలోనూ తన అందం అభినయంతో ఆకట్టుకుంటుంది.టాలీవుడ్‌లో పలు హిట్ చిత్రాల్లో నటించిన పూర్ణ తాజాగా ఒక తమిళ్ సినిమాలో ఎంపికైంది. ఈ సినిమాలో ఓ చాలెంజింగ్‌ రోల్‌లో నటించబోతుందట. ఆపాత్ర కోసం ఈ అమ్మడు ఏకంగా తన జుట్టునే వదులుకోవడానికి రెఢీ అయిందట. కొన్ని సినిమాలలో అందం కన్నా అభినయనంకు ఎక్కువ ప్రాముఖ్యత ఉంటుంది. అలాంటప్పుడు చాలామంది పాత్ర కోసం సన్నబడటం, లావు అవడం చేస్తారు లేకపోతే ఏదైనా నేర్చుకోవలిసి వస్తే నేర్చుకుంటారు కానీ.. అందానికి మూలమైన శిరోజాలు తీసేయాల్సి వస్తే ఏ హీరోయిన్‌ అంగీకరించదు. అయితే ఇప్పుడు అలాంటి సాహసం చేయబోతుంది ఈ మలయాళ బ్యూటి.
‘అవును’ సినిమాతో తెలుగులో పాపులర్ అయిన షామ్నా కాసిం ఎలియాస్ పూర్ణ.. ఇప్పుడు సౌత్ లో బాగా బిజీ అయ్యింది. ‘సీమ టపాకాయి’ – ‘రాజు గారి గది’ సినిమాలలో కూడా నటించి మరింత దగ్గరైంది తెలుగు ప్రేక్షకులుకు. ఇప్పుడు ఒక తమిళ్ సినిమాలో నెగిటివ్ పాత్రలో నటించబోతుంది. ఈ పాత్ర కోసం పూర్ణ తన పూర్తిగా జుత్తు లేకుండా గుండు తో కనపడనుంది. మేకప్ వేసుకొన్న గుండు కాదట నిజంగానే గుండు కొట్టించుకుంటోందట. ఇటువంటి పాత్రలు ఎప్పుడో కానీ రావట.. అందుకే ఆ సాహసం చేస్తున్నాను అంటోంది ఈ మలయాళ బ్యూటి.
తమిళ్ డైరెక్టర్ ముత్తై డైరక్షన్‌లో వస్తున్న ‘కోడి వీరం’ సినిమా కోసం అమ్మడు ఈ ఫీట్ చేయనుంది. ఈ సినిమాలో శశికుమార్ – మహిమా నంబియార్ ఇంకా సనూష నటిస్తున్నారు. ఒక పల్లెటూరు జరిగే యదార్ధ కథను సినిమాగా నిర్మిస్తున్నారట. చూద్దాం మరి ఈ గుండు రోల్ అమ్మడి ఫ్యాన్స్ గుండెలను గాయపరచకుండా అమెకు ఎలాంటి ఇమేజ్‌ తెస్తుందో.
