అంతర్జాతీయ సంబంధాలను మరింత బలోపేతం చేసే దిశగా భారత ప్రధాని నరేంద్ర మోదీ మరో కీలక విదేశీ పర్యటనకు శ్రీకారం చుట్టనున్నారు. మే 15 నుండి 20 వరకు మొత్తం ఆరు రోజుల పాటు ఐదు దేశాల్లో (యూఏఈ, నెదర్లాండ్స్, స్వీడన్, నార్వే, ఇటలీ) ఆయన పర్యటించనున్నారు.
ప్రస్తుతం నెలకొన్న మధ్య ప్రాచ్య సంక్షోభం నేపథ్యంలో ప్రధాని పర్యటన అత్యంత ప్రాధాన్యత సంతరించుకుంది.సంక్షోభం వల్ల ముడిచమురు సరఫరాకు ఆటంకం కలగకుండా చూసుకోవడం.ఆయా దేశాలతో ద్వైపాక్షిక వాణిజ్య సంబంధాలను మెరుగుపరుచుకోవడం మరియు పెట్టుబడులను ఆకర్షించడం.
1. యూఏఈ (UAE) పర్యటన:
పర్యటనలో భాగంగా ప్రధాని మోదీ యూఏఈ అధ్యక్షుడు షేక్ మహమ్మద్ బిన్ జావేద్ అల్ నహ్యాన్తో భేటీ కానున్నారు. రక్షణ, వాణిజ్యం మరియు సాంకేతిక రంగాలలో సహకారంపై వీరిద్దరూ చర్చలు జరుపుతారు.
2. నార్వేలో చారిత్రాత్మక పర్యటన:
ఈ పర్యటనలో అత్యంత విశేషమైన అంశం నార్వే సందర్శన. ఏకంగా 43 ఏళ్ల తర్వాత ఒక భారత ప్రధాని నార్వే గడ్డపై అడుగుపెట్టబోతున్నారు. ఉత్తర యూరప్ దేశాలతో సంబంధాలను పునరుద్ధరించుకోవడానికి ఇదొక గొప్ప అవకాశంగా భావిస్తున్నారు.
3. ఇటలీ ప్రధాని ఆహ్వానం:
ఇటలీ ప్రధాని జార్జియా మెలోనీ ప్రత్యేక ఆహ్వానం మేరకు మే 19-20 తేదీల్లో ప్రధాని మోదీ ఇటలీలో పర్యటిస్తారు. యూరోపియన్ యూనియన్తో భారత్ సంబంధాలు మరియు ఇటలీతో రక్షణ ఒప్పందాలపై ఇక్కడ చర్చలు జరిగే అవకాశం ఉంది.
Also Read:‘గాంధీ బజార్’లో బాబిల్ ఖాన్
4. నెదర్లాండ్స్ మరియు స్వీడన్:
ఈ రెండు దేశాల పర్యటనలో గ్రీన్ ఎనర్జీ, సెమీకండక్టర్లు మరియు స్టార్టప్ రంగాల్లో పరస్పర సహకారంపై ఒప్పందాలు జరిగే అవకాశం ఉంది. ప్రధాని పర్యటన నేపథ్యంలో ఆయా దేశాల్లో భారత దౌత్య వర్గాలు ఇప్పటికే భారీ ఏర్పాట్లు చేశాయి.