టాటా గ్రూప్‌కు ఆర్‌బీఐ షాక్

టాటా సన్స్ (Tata Sons) సంస్థను షేర్ మార్కెట్‌లో లిస్ట్ చేయడంపై భారత రిజర్వ్ బ్యాంక్ (RBI) తన పట్టు వీడలేదు. నిబంధనల నుండి తమకు మినహాయింపు ఇవ్వాలని టాటా గ్రూప్ పెట్టుకున్న దరఖాస్తును ఆర్‌బీఐ తిరస్కరించింది.

ఆర్‌బీఐ నిబంధనల ప్రకారం ‘అప్పర్ లేయర్’ నాన్-బ్యాంకింగ్ ఫైనాన్షియల్ కంపెనీలు (NBFC) సెప్టెంబర్ 2025 నాటికి తప్పనిసరిగా స్టాక్ ఎక్స్ఛేంజీలలో లిస్ట్ అవ్వాలి. టాటా సన్స్ ఈ జాబితాలో ఉంది.

టాటా సన్స్ అనేది ఒక హోల్డింగ్ కంపెనీ అని, ఇది నేరుగా ప్రజల నుండి డిపాజిట్లు సేకరించడం లేదని, కాబట్టి తమకు ఈ నిబంధన నుండి మినహాయింపు ఇవ్వాలని టాటా గ్రూప్ కోరింది. నిబంధనలు అందరికీ సమానమని, పెద్ద సంస్థలకు ప్రత్యేక మినహాయింపులు ఇవ్వడం వల్ల వ్యవస్థలో పారదర్శకత దెబ్బతింటుందని ఆర్‌బీఐ భావిస్తోంది. అందుకే టాటా సన్స్ అభ్యర్థనను తోసిపుచ్చింది.

ఆర్‌బీఐ నిర్ణయంతో టాటా సన్స్ ఇప్పుడు రెండు మార్గాలను ఎంచుకోవాల్సి ఉంటుంది.వచ్చే ఏడాది సెప్టెంబర్ లోపు ఐపీఓ (IPO) ద్వారా స్టాక్ మార్కెట్‌లో ప్రవేశించడం.లేదా తన రుణాలను తగ్గించుకుని ‘అప్పర్ లేయర్’ వర్గీకరణ నుండి బయటకు వచ్చేలా కంపెనీ నిర్మాణాన్ని మార్చుకోవడం.

Also Read:‘గాంధీ బజార్’లో బాబిల్ ఖాన్

ఈ నిర్ణయం టాటా గ్రూప్ భవిష్యత్తు వ్యూహాలపై మరియు భారత స్టాక్ మార్కెట్‌పై భారీ ప్రభావాన్ని చూపే అవకాశం ఉంది. ఒకవేళ టాటా సన్స్ లిస్ట్ అయితే, అది భారతదేశంలోనే అతిపెద్ద ఐపీఓలలో ఒకటిగా నిలుస్తుంది.