ఎన్నికల తర్వాత పెట్రోల్ మరియు డీజిల్ ధరలు పెరుగుతాయంటూ వస్తున్న వార్తలను పెట్రోలియం మరియు సహజ వాయువు మంత్రిత్వ శాఖ తోసిపుచ్చింది. ఆ వార్తలు పూర్తిగా “అబద్ధం” (ఫేక్) అని, ఇంధన ధరల్లో ఎలాంటి మార్పు లేదని స్పష్టం చేసింది.
గురువారం ‘X’ (గతంలో ట్విట్టర్) వేదికగా మంత్రిత్వ శాఖ స్పందిస్తూ.. “పెట్రోల్ మరియు డీజిల్ ధరల పెంపును సూచించే కొన్ని వార్తా కథనాలు ప్రచారంలో ఉన్నాయి. ప్రభుత్వం వద్ద అలాంటి ప్రతిపాదనేదీ పరిశీలనలో లేదని ఇందుమూలంగా స్పష్టం చేస్తున్నాము” అని పేర్కొంది.
“ఇలాంటి వార్తా కథనాలు పౌరులలో భయాన్ని మరియు ఆందోళనను సృష్టించడానికి ఉద్దేశించినవి. ఇవి తప్పుదోవ పట్టించేలా మరియు అల్లరిగా ఉన్నాయి” అని మంత్రిత్వ శాఖ తన పోస్ట్లో జోడించింది.
గత 4 ఏళ్లలో పెట్రోల్ మరియు డీజిల్ ధరలు పెరగని ఏకైక దేశం భారతదేశమేనని మంత్రిత్వ శాఖ పేర్కొంది. “అంతర్జాతీయ ధరల పెరుగుదల ప్రభావం భారతీయ పౌరులపై పడకుండా భారత ప్రభుత్వం మరియు చమురు పీఎస్యూలు (PSUs) నిరంతరం చర్యలు తీసుకున్నాయి” అని వివరించింది.
సోషల్ మీడియాలో చక్కర్లు కొడుతున్న ధృవీకరించబడని సమాచారాన్ని నమ్మి ప్రజలు మోసపోవద్దని మంత్రిత్వ శాఖ కోరింది. అంతర్జాతీయంగా ముడి చమురు ధరలు పెరుగుతున్న నేపథ్యంలో, భారతదేశంలో ఎన్నికల పోలింగ్ ముగిసిన తర్వాత ధరల సవరణ ఉండవచ్చని సోషల్ మీడియాలో ఊహాగానాలు వెల్లువెత్తాయి. ఈ నేపథ్యంలోనే ప్రభుత్వం ఈ వివరణ ఇచ్చింది.
Also Read:భారీగా పెరగనున్న పెట్రోల్, డీజిల్ ధరలు?
పెరుగుతున్న ముడి చమురు ధరల భారాన్ని చమురు విక్రయ సంస్థలే భరిస్తున్నాయని, వినియోగదారులపై ద్రవ్యోల్బణ ఒత్తిడి పడకుండా ప్రభుత్వం ఈ నిర్ణయం తీసుకుందని స్పష్టం చేసింది. ఇంధన ధరలకు సంబంధించి ఖచ్చితమైన సమాచారం కోసం అధికారిక వనరులపైనే ఆధారపడాలని, పుకార్లకు స్పందించవద్దని ప్రభుత్వం ప్రజలను మరోసారి కోరింది.