హీరోయిన్ కీర్తి సురేష్ ప్రధాన పాత్రలో రూపొందిన చిత్రం ‘పెంగ్విన్’. ఈశ్వర్ కార్తీక్ దర్శకత్వంలో తెరకెక్కుతున్న ఈ సినిమా తెలుగు ట్రైలర్ తాజాగా విడుదలైంది. ఈ ట్రైలర్‌ను న్యాచురల్‌ స్టార్‌ నాని విడుదల చేశాడు. స్టోన్ బెంచ్ ఫిల్మ్స్, ప్యాష‌న్ స్టూడియోస్ ప‌తాకంపై నిర్మించిన ఈ సినిమాపై ఈ ట్రైలర్ ఆసక్తిని పెంచుతోంది. ఈ మూవీ ఓటీటీ ఫ్లాట్ ఫామ్ అమెజాన్ ప్రైమ్ వీడియోలో ఎక్స్‌క్లూజివ్‌గా జూన్ 19న విడుదల కాబోతుంది.
తప్పిపోయిన కుమారుడిని వెతికే పాత్రలో కీర్తి సురేష్ న‌టించింది. ఈ ట్రైలర్‌లో హీరోయిన్ కీర్తి సురేష్‌ను కొడుకు కనిపించకుడా పోతాడు. హీరోయిన్ వాళ్లు ఓ అడవిలో ఉంటారు. ఆ అడవి విస్తీర్ణం దాదాపు వెయ్యి చదరపు కిలో మీటర్లు. అంత విస్తీర్ణంలో ఆ అబ్బాయిని వెతకడం కష్టం అంటారు పోలీసులు. ఐతే.. ఆ అబ్బాయిని ఓ సైకో కిడ్నాప్ చేస్తాడు. మరి ఈ సైకో ఎందుకు వీళ్లపై పగ పడతాడు. ఆ సైకోను కీర్తి సురేష్ ఎలా పట్టుకొని మట్టు పెట్టిందో తెలియాలంటే జూన్ 19 వరకు ఆగాల్సిందే.
