కాటమరాయుడు సినిమా ఇంకా రిలీజ్ అవకముందే పవన్ తదుపరి సినిమాకి సన్నాహాలు మొదలయ్యాయి. కాటమరాయుడి మూవీ అయిపోతుందో లేదో వెనువెంటనే మాటల మాంత్రికుడు త్రివిక్రమ్ శ్రీనివాస్ దర్శకత్వంలో పవన్ మూవీ చేయనున్న విషయం తెలిసిందే.ఇప్పటి నుంచే తన నెక్ట్స్‌ మూవీ కోసం రెడీ ఐపోతున్నాడు పవన్. 2019 ఎన్నికల లోపు పవన్ మరో 3 చిత్రాలు మాత్రమే చేసే అవకాశం ఉందనే సంగతి ఇప్పటికే చాలామంది చాలాసార్లు చెప్పారు. కాటమరాయుడు ఈ నెల 24న రిలీజ్ అయిపోయాక.. పవన్ కళ్యాణ్ చేతిలో రెండు సినిమాలుంటాయి. త్రివిక్రమ్ డైరెక్షన్ లో రూపొందే మూవీ ఒకటైతే.. ఆర్టీ నీసన్ డైరక్షన్ లో వేదాళం రీమేక్ మరొకటి.
మరి పవన్ చేసే మూడో సినిమా ఏంటి? ఏ నిర్మాతకు చేస్తాడు? డైరెక్టర్ ఎవరు? లాంటి విషయాలపై ఇప్పటివరకూ క్లారిటీ లేదు కానీ.. స్టోరీ విషయంలో ఓ క్లారిటీకి వచ్చారట పవర్ స్టార్ టీం. ప్రస్తుతం తల అజిత్ వివేగం అనే చిత్రాన్ని రూపొందిస్తున్న సంగతి తెలిసిందే. శివ దర్శకత్వంలో రూపొందుతున్న వివేగం.. ఆగస్ట్ 10న రిలీజ్ కానుంది. స్పై థ్రిల్లర్ జోనర్ లో రూపొందిన ఈ సినిమా స్టిల్స్.. ఇప్పటికే ఆన్ లైన్ లో హల్ చల్ చేస్తున్నాయి. పవన్ కు ఈ కాన్సెప్ట్ నచ్చిందని అందుకే వివేగంను రీమేక్ చేయాలని చూస్తున్నాడని తెలుస్తోంది. కానీ ఇదంతా వివేగం సినిమాను జనాలు రిసీవ్ చేసుకున్నదానిపై ఆధారపడి ఉటుందట.
అయితే విషయం ఏంటంటే.. వివేగం కోసం అజిత్ సిక్స్ ప్యాక్ తో అలరించాడు. మరి ఇదే చిత్రాన్ని రిలీజ్ చేయాలని భావిస్తే.. పవర్ స్టార్ కూడా సిక్స్ ప్యాక్ చేసి చూపిస్తాడా? ప్రస్తుతం పవన్ కి ఉన్న బిజీ షెడ్యూల్ లో అది సాధ్యమా? అనే సందేహం ఉన్నా పవన్ తలుచుకుంటే అన్నీ సాధ్యమేలే అంటున్నారు సినీ అభిమానులు.
