పవన్‌ జగిత్యాల టూర్ షెడ్యూల్ ఇదే

జనసేనాని, పవర్ స్టార్ పవన్ కళ్యాణ్ జగిత్యాల జిల్లాలో పర్యటించనున్నారు. రేపు(జనవరి 24)న ఉదయం 11 గంటలకు కొండగట్టుకు చేరుకుంటారు.కొండగట్టు ఆంజనేయుని ఆలయంలో తన ఎన్నికల ప్రచార రథం వారాహికి ప్రత్యేక పూజలు చేయనున్నారు. మధ్యాహ్నం 2 గంటలకు నాచుపల్లి శివారులోని రిసార్టులో జనసేన పార్టీ ముఖ్య నేతల సమావేశంలో పవన్ పాల్గొననున్నారు.

32 నారసింహ క్షేత్రాల సందర్శన యాత్రలో భాగంగా సాయంత్రం 4 గంటలకు ధర్మపురి లక్ష్మీనారసింహ ఆలయంలో ప్రత్యేక పూజలు నిర్వహించి శ్రీకారం చుట్టనున్నారు. ఆ తర్వాత మిగిలిన 31 నారసింహ క్షేత్రాలను పవన్ కళ్యాణ్ సందర్శిస్తారు. ధర్మపురిలో సాయంత్రం 5 గంటలకు జనసేన కార్యదర్శులతో పవన్ సమావేశం కానున్నారు.

రాబోయే రోజుల్లో తెలంగాణలో జనసేన అనుసరించే వ్యూహం, చేపట్టబోయే కార్యక్రమాలపై పార్టీ నేతలతో చర్చించి దిశానిర్ధేశం చేయనున్నారు.

ఇవి కూడా చదవండి..