యాక్ష‌న్ స్టార్ గోపీచంద్-మెహరీన్ కాంబినేషన్‌లో కె.చ‌క్ర‌వ‌ర్తి ద‌ర్శ‌క‌త్వంలో తెరకెక్కిన చిత్రం పంతం. శ్రీ స‌త్య‌సాయి ఆర్ట్స్ బ్యాన‌ర్‌పై కె.కె. రాధామోహన్ నిర్మించిన ఈ చిత్రం జూలై 5న ప్రపంచ వ్యాప్తంగా ప్రేక్షకుల ముందుకురానుంది. గోపిచంద్ నటించిన 25వ సినిమా కావడంతో భారీ అంచనాలు నెలకొన్నాయి.
సినిమా ఆడియో రిలీజ్ వేడుక విజయవాడలో అంగరంగ వైభవంగా జరిగింది. ఈ సందర్భంగా మాట్లాడిన గోపిచంద్ తన 25 సినిమాల్లో యజ్ఞం సినిమాలో మంచి మెసేజ్ ఉంటుందని…అలాంటి సినిమానే పంతం అన్నారు. ఓ స్ట్రాంగ్ మెజేజ్ చెప్పగలిగానే సంతృప్తి పంతం చేసిన తర్వాత ఉందన్నారు. తన కెరీర్ లో పంతం బిగ్గెస్ట్ హిట్ గా నిలుస్తుందని ఆశాభావం వ్యక్తం చేశారు.
సినిమాలో భాగమైన ప్రతి ఒక్కరికీ థాంక్స్‌ చెప్పారు గోపిచంద్. మెహరీన్ అద్భుతంగా నటించిందని..గోపి సుందర్ అద్భుతమైన సంగీతాన్ని అందించారన్నారు. పాటలే కాదు బ్యాక్ గ్రౌండ్ స్కోర్ అందరికీ నచ్చుతుందన్నారు. ఎక్కడా కాంప్రమైజ్ కాకుండా రాధామోహన్ అద్భుతంగా తెరకెక్కడంలో సాయపడ్డారని చెప్పారు.
