రికార్డు స్థాయిలో ధాన్యం కొనుగోలు- పల్లా

ఇవాల్టి వరకు 5 వేల 965 కొనుగోలు కేంద్రాల ద్వారా 26 లక్షల 26 వేల 991 మెట్రిక్ టన్నుల వరి ధాన్యం కొనుగోలు చేశామని రైతు బంధు సమితి చైర్మన్ పల్లా రాజేశ్వర్ రెడ్డి తెలిపారు. అలాగే 1063 కొనుగోలు కేంద్రాల ద్వారా 3 లక్షల 2వేల 596 మెట్రిక్ టన్నుల మొక్కజొన్నలు కొనుగోలు జరిగాయన్నారు. అదేవిధంగా 87 కొనుగోలు కేంద్రాల ద్వారా 70 వేల 97మెట్రిక్ టన్నుల శనగలు..14 కొనుగోలు కేంద్రాల ద్వారా 5 వేల 570 మెట్రిక్ టన్నుల సన్ ఫ్లవర్ కొనుగోలు చేశామని పల్లా రాజేశ్వర్ రెడ్డి అన్నారు.

ఈ రోజు రైతు బంధు సమితి చైర్మన్ పల్లా రాజేశ్వర్ రెడ్డి యాదాద్రి జిల్లా, యాదగిరిగుట్ట మండలం, వంగపల్లి గ్రామంలో ధాన్యం కొనుగోళ్లను పరిశీలించారు. ఈ కార్యక్రమంలో ప్రభుత్వ విప్ గొంగిడి సునిత, DCCB చైర్మన్ మహెందర్ రెడ్డి పలువురు అధికారులు పాల్గొన్నారు.