OG:నార్త్ అమెరికాలో జోరు!

పవన్ కళ్యాణ్ నటించిన “దే కాల్ హిమ్ OG” ప్రేక్షకులను అలరించేందుకు సిద్ధమైంది. సుజీత్ దర్శకత్వం వహించిన ఈ హై-వోల్టేజ్ గ్యాంగ్‌స్టర్ డ్రామా సెప్టెంబర్ 25, 2025న ప్రపంచవ్యాప్తంగా గ్రాండ్‌గా విడుదల కానుంది. ఇప్పటికే ఈ చిత్రం ఈ ఏడాది అత్యంత చర్చనీయాంశమైన రిలీజ్‌లలో ఒకటిగా నిలిచింది.

ప్రత్యేకించి విదేశీ మార్కెట్లలో, ముఖ్యంగా నార్త్ అమెరికాలో స్పందన అద్భుతంగా ఉంది. ప్రీమియర్స్‌కు ముందే ప్రీ-సేల్స్‌ $1.25 మిలియన్‌ను దాటగా, 45,000కిపైగా టికెట్లు బుక్ అయ్యాయి. ఈ అద్భుత గణాంకాలు సినిమా గ్లోబల్ బాక్సాఫీస్ వద్ద ఘన ఆరంభాన్ని సూచిస్తున్నాయి.

ఈ చిత్రంలో ప్రియాంకా మోహన్ హీరోయిన్‌గా నటిస్తుండగా, ఇమ్రాన్ హష్మి ప్రధాన ప్రతినాయకుడిగా కనిపించనున్నారు. అదనంగా అర్జున్ దాస్, శ్రీయ రెడ్డి, శ్యం, ప్రకాష్ రాజ్ కీలక పాత్రల్లో కనిపించనున్నారు.

DVV దానయ్య నిర్మాణంలో, థమన్ సంగీతం సమకూరుస్తున్న “దే కాల్ హిమ్ OG” భారీ తెరపై ఒక మాస్ స్పెక్టకిల్‌గా రూపుదిద్దుకుంటోంది.

Also Read:మళ్లీ తెరపైకి శ్రీవారి పింక్ డైమండ్!