‘జనతా గ్యారేజ్’ సినిమా తర్వాత యంగ్‌ టైగర్‌ ఎన్టీఆర్ బాబీ దర్శకత్వంలో ఓ చిత్రం చేస్తున్న సంగతి తెలిసిందే. ఈ సినిమాని ఎన్టీఆర్ సోదరుడు నందమూరి కల్యాణ్ రామ్ నిర్మిస్తున్నాడు. ఇటీవలే ఈ భారీ చిత్రం షూటింగ్ లాంఛనంగా ప్రారంభమైంది. ఇందులో ఎన్టీఆర్ మూడు విభిన్న తరహా పాత్రలను పోషిస్తున్నాడు. ఇక సినిమా షూటింగ్ ఎప్పుడెప్పుడా అని ఎదురు చూస్తున్న ఫ్యాన్స్‌కి తీపి కబురు అందించాడు ఎన్టీఆర్.
ఈ సినిమా రెగ్యులర్ షూటింగును రేపటి నుంచి హైదరాబాదులో నిర్వహిస్తారు. అయితే ఎన్టీఆర్ మాత్రం పాల్గొనడంలేదు. ప్రస్తుతం ఎన్టీఆర్ డిఫరెంట్ లుక్ తో కనపడడానికి ఫిట్ నెస్ కు సంబంధించిన కసరత్తులు చేస్తున్నాడు. అందుకోసమే ఈ యంగ్‌ టైగర్‌ ఈ వారం షూటింగ్ లొ పాల్గొనట్లేదు. వచ్చే నెల రెండో వారంలో షూటింగులో పాల్గొంటాడు. ఈ సినిమాలో ఎన్టీఆర్ సరసన ముగ్గురు హీరోయిన్లు నటిస్తారు. వారిలో ఒకరిగా రాశిఖన్నాను ఇప్పటికే ఎంపిక చేశారు చిత్ర సభ్యులు. కాగా ఈ చిత్రానికి ‘జై లవకుశ’ అనే పేరు వర్కింగ్ టైటిల్ గా వుంది. మరి ఆ మిగతా ఇద్దరు హీరోయిన్లు ఎవరన్నది తెలియాల్సిఉంది.
