వెట్రిమారన్… ఖైదీ, నారప్ప లాంటి చిత్రాల‌తో అద్భుతంగా ఆక‌ట్టుకొన్నాడు. వెట్రిమారన్ కి ప్రత్యేక అభిమానులు ఉన్నారు అంటేనే.. అతని టాలెంట్ ఏమిటో అర్థం చేసుకోవచ్చు. అయితే, ఈ వైవిధ్యమైన దర్శకుడు ఇప్పుడు ఎన్టీఆర్ – అల్లు అర్జున్ లతో ఓ భారీ మల్టీస్టారర్ సినిమా చేసేందుకు రెడీ అవుతున్నాడని టాక్ నడుస్తోంది. పైగా అసురన్ కి ముందే ఎన్టీఆర్ – అల్లు అర్జున్ కి వెట్రిమారన్ కథ చెప్పాడట. వెట్రిమారన్ చెప్పిన కథ ఇద్దరికీ చాలా బాగా నచ్చిందట. కాబట్టి త్వరలో వీరితో వెట్రిమారన్ సినిమా స్టార్ట్ చేస్తాడని తెలుస్తోంది.
ఇప్పటికే వెట్రిమారన్ ఫుల్ స్క్రిప్ట్ కూడా త‌యారు చేశాడ‌ని తెలుస్తోంది. ఇటీవ‌ల ఎన్టీఆర్ – బన్నీ లను క‌లిసి ఫుల్ స్క్రిప్ట్ వినిపించాడ‌ని, ఈ ప్రాజెక్టు దాదాపుగా ఖాయ‌మని స‌మాచారం అందుతుంది. ఇదో భారీ యాక్షన్ డ్రామా అని 2024 ప్ర‌ధ‌మార్థంలో ప‌ట్టాలెక్కుతుంద‌ని, ఈ కథలో ఎన్టీఆర్ – అల్లు అర్జున్ ప్రత్యర్థులుగా కనిపించబోతున్నారని అంటున్నారు. ఈ ఇద్దరి హీరోలది పక్కా మాస్ ఇమేజ్‌. అయితే.. వెట్రిమారన్ మాత్రం వారిని స‌రికొత్త‌గా, వారి ఇమేజ్‌కు దూరంగా ప్ర‌జెంట్ చేయాల‌న్న ఉద్దేశంతో ఉన్నాడట.
వెట్రిమారన్ కి పేరు వచ్చిందే యాక్షన్ సినిమాలతో. మరి, ఈ యాక్షన్ డైరెక్టర్.. స్టార్ హీరోలరో ఏ రేంజ్ యాక్షన్ స్టోరీ తీస్తాడో ? చూడాలి. ఐతే, ఈ మధ్య కాలంలో సౌత్ సినీ ప్రేక్షకులను విపరీతంగా ఆకట్టుకున్న దర్శకుల లిస్ట్ లో ముందువరుసలో నిలిచే పేరు తమిళ దర్శకుడు ‘వెట్రిమారన్’. ఇలాంటి దర్శకుడితో ఎన్టీఆర్ – బన్నీ సినిమా అంటే.. బాక్సాఫీస్ షేక్ అవ్వాల్సిందే.
ఇవి కూడా చదవండి…
