మెగాస్టార్‌కి హద్దుల్లేవ్‌..

మెగాస్టార్‌ చిరంజీవి ఆనందానికి హద్దుల్లేవ్‌. రంగస్థలం మూవీ సూపర్‌ హిట్‌ టాక్‌ని సొంతం చేసుకోవడంతో మెగాఫ్యాన్స్‌తో పాటు.. చిరూ కూడా తెగ ఆనందపడిపోతున్నారు. శుక్రవారం రిలీజైన ఈ మూవీ తెలుగు రాష్ట్రాలతో పాటు యూఎస్‌లోనూ హవా కొనసాగిస్తోంది.

నటన పరంగా రామ్‌చరణ్ కు ‘రంగస్థలం’ మంచి పేరు తెచ్చిపెట్టందని ఇండస్ట్రీ టాక్‌. ఈ సినిమాకి మంచి రెస్పాన్స్‌ వస్తుండటం, చిట్టిబాబు పాత్రకి చరణ్ ప్రాణం పోశాడంటూ ఆడియెన్స్‌ నీరాజనాలు పలుకుతుండటంతో చిరంజీవి సంతోషంతో ఉక్కిబిక్కిరి అవుతున్నారు.

ఈ సంతోషాన్ని సుకుమార్ ..సందీప్ రెడ్డి వంగా.. చరణ్ .. వంశీ పైడిపల్లితో కలిసి సెలబ్రేట్ చేసుకున్నారు చిరు. మొత్తానికి ఓ వైపు మెగాఫ్యాన్స్‌ సెలబ్రేషన్స్‌ చేసుకుంటుంటే..మరో వైపు మెగాఫ్యాన్స్‌తో థియేటర్స్‌లో సందడి నెలకొంది.ఇక ఈ సినిమాలో చరణ్ కి జోడీగా సమంత, అత్తగా అనసూయ నటించారు.