సతీశ్ వేగేశ్న దర్శకత్వంలో నితిన్ హీరోగా శ్రీనివాస కల్యాణం సినిమా తెరకెక్కుతున్న సంగతి తెలిసిందే. దిల్ రాజు నిర్మాణంలో సినిమా శరవేగంగా షూటింగ్ జరుపుకుంటోంది. నితిన్ సరసన రాశి ఖన్నాతో పాటు నందిత శ్వేత హీరోయిన్లుగా నటిస్తున్నారు.మాస్ ,యూత్ ను దృష్టిలో పెట్టుకుని ఈ సినిమాను రూపొందిస్తున్నారు. ఫ్యామిలీ ఎంటర్టైనర్ గా రూపొందుతోన్న ఈ సినిమా, గోదావరి జిల్లాల్లో ఫస్టు షెడ్యూల్ షూటింగును పూర్తిచేసుకుంది.
తాజాగా ఈ సినిమా సెకండ్ షెడ్యూల్ కూడా పూర్తైంది. ఈ సందర్భంగా దిల్ రాజు మాట్లాడుతు సినిమా షూటింగ్ వేగంగా జరుగుతుంది. జూలై 24న సినిమాను విడుదల చేయాలనే ఆలోచనలో ఉన్నట్లు తెలిపాడు.
వరుస రెండు సినిమాలు ఫ్లాప్‌లతో ఉన్న నితిన్ ఈసారి ఎలాగైనా సక్సెస్ సాధించాలని కసి మీద ఉన్నాడు. గతంలో దిల్ రాజు-సతీశ్ వేగేశ్న కాంబినేషన్‌లో వచ్చిన శతమానం భవతి సంక్రాంతి రేసులో మంచి వసూళ్లను రాబట్టిన సంగతి తెలిసిందే. అంతేగాదు ఈ సినిమాను చాలా తక్కువ రోజుల్లో పూర్తి చేసిన సతీశ్ శ్రీనివాస కళ్యాణం సినిమాను సైతం వీలైనంత తక్కువ రోజుల్లో కంప్లీట్ చెయ్యాలనే ఆలోచనలో ఉన్నాడు.
