టాలీవుడ్ హీరో నితిన్ కథానాయకుడిగా మెర్లపాకా గాంధీ దర్శకత్వంలో కొత్త సినిమా ప్రారంభమైంది. ఈ ఆదివారం నుంచి దుబాయ్‌లో షూటింగ్ జరుగుతోంది. హీరో హీరోయిన్లు నితిన్, న‌భా న‌టేష్‌పై దుబాయ్‌లో స‌న్నివేశాలు చిత్రీక‌రిస్తున్నారు. ఫిల్మ్ షూటింగ్ మొద‌లైన‌ట్టు నితిన్ త‌న ట్విట్ట‌ర్ హ్యాండిల్ ద్వారా తెలియ‌జేశాడు.సెట్స్‌లో స్వెట‌ర్ వేసుకొని పియానో ప్లే చేస్తూ క‌నిపిస్తున్న ఓ ఫొటోను షేర్ చేశాడు. ఈ చిత్రంలో న‌భాన‌టేశ్ హీరోయిన్ కాగా..తమన్నా భాటియా కీల‌క పాత్ర చేస్తోంది. జ‌న‌వ‌రి నుంచి జ‌రిగే త‌దుప‌రి షెడ్యూల్ షూటింగ్‌లో తమన్నా పాల్గొన‌నుంది. నితిన్ 30 లో తమన్నా భాటియా-హెబ్బా అందాల ట్రీట్ ఓ లెవల్లోనే ఉంటుందని సమాచారం.
ఎన్ సుధాకర్ రెడ్డి -నికితా రెడ్డి బ్యానర్ శ్రేష్ఠ్ మూవీస్‌లో ఆరో చిత్రంగా ఇది తెరకెక్కుతోంది. ఠాగూర్ మధు దీనికి సమర్పకులుగా వ్యవహరిస్తున్నారు. సాగర్ మహతి సంగీతం అందించనున్నారు. హరి.కె వేదాంత్ సినిమాటోగ్రఫీ అందిస్తున్నారు. మేర్లపాక సంభాషణలు అందిస్తున్నారు. ఇతర కళాకారులు సాంకేతిక నిపుణులను త్వరలో ప్రకటించనున్నారు. నితిన్ నటించిన రంగ్ దే నిర్మాణానంతర పనులు సాగుతున్నాయి.
