నిఖిల్ నటిస్తోన్న యాక్షన్ ఎంటర్టైనర్ ‘ముద్ర’ టి.ఎన్. సంతోష్ దర్శకత్వం వహిస్తున్న ఈ సినిమాలో మొదటిసారి నిఖిల్ సరసన లావణ్య త్రిపాఠి హీరోయిన్‌గా నటిస్తోంది. ఇప్పటికే ఈ చిత్రం 50 శాతం షూటింగ్ పూర్తి చేసుకుంది. తాజాగా జరుగుతున్న షెడ్యూల్‌లో నిఖిల్, లావణ్య త్రిపాఠిపై కొన్ని కీలక సన్నివేశాలు చిత్రీకరిస్తున్నారు. ఒక టీవీ స్టూడియోలో షూటింగ్ జరుపుకుంటున్న ఈ మూవీలో వెన్నెల కిషోర్, పోసాని కృష్ణ మురళి, నాగినీడు, ప్రగతి, సత్య, తరుణ్ అరోరా, రాజా రవీంద్ర ముఖ్య పాత్రల్లో కనిపించబోతున్నారు.
సినిమాలో కొన్ని సీన్స్ వాస్తవానికి దగ్గరగా ఉండడంతో ఒరిజినల్ లొకేషన్స్‌లో సినిమాను షూట్ చేస్తున్నారు యూనిట్ సభ్యులు. నిఖిల్ పుట్టినరోజు సందర్బంగా విడుదల చేసిన ముద్ర ఫస్ట్‌లుక్‌కు మంచి స్పందన లభించింది. విభిన్న పాత్రల్లో కనిపించే నిఖిల్ ఈ సినిమాలో రిపోర్టర్ రోల్‌లో నటించారు. సామ్ సి.ఎస్ ఈ చిత్రానికి సంగీతం అందిస్తున్నారు. ముద్ర సినిమాను అవురా సినిమాస్ ప్రవేట్ లిమిటెడ్, మూవీ డైనమిక్స్ ఎల్.ఎల్.పి బ్యానర్స్ పై కావ్య వేణుగోపాల్, రాజు కుమార్ నిర్మిస్తున్నారు. బి.మధు ఈ చిత్రాన్ని సమర్పిస్తున్నారు.
నటీనటులు: నిఖిల్ సిద్ధార్థ్, లావణ్య త్రిపాఠి, వెన్నెల కిషోర్, పోసాని కృష్ణమురళి, తరుణ్ అరోర, సత్య, నాగినీడు…సాంకేతిక నిపుణులు: కథ, స్క్రీన్ ప్లే, దర్శకత్వం: టి.ఎన్. సంతోష్, నిర్మాతలు: కావ్య వేణుగోపాల్, రాజ్ కుమార్, కెమెరామెన్: సూర్య, మ్యూజిక్: సామ్ సి.ఎస్, ఆర్ట్ డైరెక్టర్: శశి సురేష్, ఫైట్స్: వెంకట్, కాస్టూమ్ డిజైనర్: రమ రమేష్, రంగనాధ్, లోకేష్, భరత్, అరుల్, బ్రహ్మ, పబ్లిసిటీ డిజైన్: అనిల్ – భాను, పి.ఆర్.ఓ: వంశీశేఖర్.
