పీఎస్‌పీకే 27లో అందాల నిధి..!

ఓ వైపు రాజకీయాలు మరోవైపు సినిమాలతో బిజీగా ఉన్నారు పవర్ స్టార్ పవన్ కల్యాణ్. తాజాగా పవన్ తన 27వ సినిమాను క్రిష్ దర్శకత్వంలో చేయనుండగా ఈ సినిమాను ఏఎమ్ రత్నం నిర్మిస్తున్నారు.

ఈ సినిమాలో పవన్ సరసన నిధి అగర్వాల్ హీరోయిన్‌గా నటిస్తున్నారు. ఈ విషయంపై క్లారిటీ ఇచ్చారు నిధి. పవన్ కల్యాణ్‌ గారి సినిమాలో నటిస్తున్నాను. ఆయనతో కలిసి పనిచేసే అవకాశం ఇంత త్వరగా వస్తుందని అనుకోలేదు. ఇది నా తొమ్మిదో సినిమా. ఇలాంటి సినిమాలో అవకాశం రావడంతో నా కల నిజమైనట్టు అనిపిస్తోందని తెలిపింది.

పవన్ కళ్యాణ్ సర్ అద్భుతమైన వ్యక్తి. ఆయనంటే నాకు చాలా అభిమానం.. అందుకే ఆయనతో వర్క్ చేయాలని చాలా కాలంగా వెయిట్ చేస్తున్నాను అంటూ నిధి పేర్కొంది. పవన్ కు జోడీగా ఈ సినిమాలో ఇద్దరు ముద్దుగుమ్మలను ఎంపిక చేయనున్నట్లు తెలుస్తోంది.