భారత్‌తో జరగబోయే రాబోయే ఐదు మ్యాచ్‌ల టీ20 సిరీస్ కోసం తమ 15 మంది సభ్యుల జట్టును ప్రకటించింది న్యూజిలాండ్ . ఈ జట్టుకు మిచెల్ శాంట్నర్ నాయకత్వం వహించనున్నాడు. బిజీ అంతర్జాతీయ షెడ్యూల్ కారణంగా ఆటగాళ్ల పనిభారాన్ని (వర్క్‌లోడ్) మేనేజ్ చేసేందుకు న్యూజిలాండ్ ఈ జట్టులో ఏడుగురు వేగవంతమైన బౌలర్లకు (ఫాస్ట్ బౌలర్లు) చోటు కల్పించింది.
దాదాపు ఏడాది విరామం తర్వాత అనుభవజ్ఞుడైన పేసర్ ఆడమ్ మిల్నే టీ20 క్రికెట్‌లోకి రీ-ఎంట్రీ ఇస్తున్నాడు. భుజం గాయం కారణంగా స్టార్ ఆల్‌రౌండర్ రచిన్ రవీంద్ర ఈ సిరీస్ మొత్తానికి దూరమవ్వడం కివీస్ జట్టుకు పెద్ద షాక్ అనే చెప్పాలి.భారత్ – న్యూజిలాండ్ మధ్య టీ20 సిరీస్ అక్టోబర్ 22న క్రిస్ట్‌చర్చ్ వేదికగా ప్రారంభం కానుంది.
న్యూజిలాండ్ జట్టు బలమైన పేస్ విభాగాన్ని ఎంపిక చేసింది. మిల్నేతో పాటు లోకీ ఫెర్గూసన్, మ్యాట్ హెన్రీ, కైల్ జేమిసన్, జేకబ్ డఫీ, జాక్ ఫోల్క్స్ మరియు నాథన్ స్మిత్‌లు ఈ పేస్ దళంలో ఉన్నారు.అన్ని ఫార్మాట్లలో వరుస సిరీస్‌లు ఉన్నందున ఆటగాళ్లపై తీవ్రమైన భారం పడకుండా చూసేందుకే ఈ తరహా ఎంపిక చేసినట్లు సమాచారం.
టీ20 సిరీస్‌కు న్యూజిలాండ్ జట్టు:
మిచెల్ శాంట్నర్ (కెప్టెన్), ఫిన్ అలెన్, డెవాన్ కాన్వే, డారిల్ మిచెల్, టిమ్ సీఫెర్ట్, గ్లెన్ ఫిలిప్స్, మార్క్ చాప్‌మన్, బెవాన్ జాకబ్స్, జాక్ ఫోల్క్స్, మ్యాట్ హెన్రీ, మైఖేల్ బ్రేస్‌వెల్, ఆడమ్ మిల్నే, జేకబ్ డఫీ, కైల్ జేమిసన్, నాథన్ స్మిత్, లోకీ ఫెర్గూసన్.
Also Read:Kaaka:సెట్‌లో మెగా వేడుకలు..