అఖండ భారీ సక్సెస్‌తో మంచి జోష్ మీదున్నారు బాలయ్య. ప్రస్తుతం గోపిచంద్ మలినేని దర్శకత్వంలో బాలయ్య 107 వర్కింగ్ టైటిల్‌తో సినిమా చేస్తున్నారు. ఈ సినిమాలో బాలయ్య సరసన శృతిహాసన్ హీరోయిన్‌గా నటిస్తోంది. ఇక ఈ సినిమా టైటిల్ గురించి ఆసక్తిగా ఎదురుచూస్తున్న వారికి గుడ్ న్యూస్ చెప్పారు మేకర్స్.
‘వీరసింహారెడ్డి’ అనే పవర్‌ఫుల్ టైటిల్‌ను ఫిక్స్ చేస్తూ చిత్ర యూనిట్ టైటిల్ పోస్టర్‌ను రిలీజ్ చేసింది. ఈ పోస్టర్‌లో బాలయ్య గతంలో కనిపించిన లుక్‌లోనే కనిపించాడు. పులిచర్ల 4.కిమీ మైలురాయిపై కాలుపెట్టి బాలయ్య నిలబడిన స్టయిల్ సూపర్‌గా ఉందంటూ అభిమానులు అంటున్నారు.
ఈ సినిమాలో బాలయ్య రెండు విభిన్నమైన లుక్స్‌లో కనిపిస్తుండగా బాలయ్య పర్ఫార్మెన్స్ మరో లెవెల్‌లో ఉండబోతుందని చిత్ర యూనిట్ తెలిపింది. ఈ సినిమాలో బాలయ్య సరసన అందాల భామ శ్రుతి హాసన్ హీరోయిన్‌గా నటిస్తోండగా తమన్ సంగీతం అందిస్తున్నారు. మైత్రీ మూవీ మేకర్స్ ప్రొడ్యూస్ చేస్తోంది.
