భారత్ జోడో యాత్ర సందర్భంగా తనకు ఓ చేదు సంఘటన ఎదురైన విషయాన్ని కాంగ్రెస్ నేత రాహుల్ గాంధీ అన్నారు. లండన్‌లోని కేంబ్రిడ్జి యూనివర్శిటీలో 21వ శతాబ్దంలో లెర్నింగ్ టు లిజన్ అనే అంశంపై ప్రసంగిస్తూ ఈ వ్యాఖ్యలు చేశారు. దాదాపు ఐదు నెలల పాటు కన్యాకుమారి నుంచి కాశ్మీర్ వరకు పాదయాత్ర చేసి ప్రజా సమస్యలను తెలుసుకునే ప్రయత్నం చేసిన రాహుల్‌కు జరిగిన సంఘటనను వివరించారు.
ఆ ప్రాంతంలో ఉగ్రదాడులు జరిగే ముప్పు ఉందని…అక్కడ పాదయాత్ర చేయొద్దని భద్రతా సిబ్బంది నాకు చెప్పారు. కానీ నేను మా పార్టీవాళ్లతో మాట్లాడి…యాత్రలో ముందుకెళ్లేందుకే నిశ్చయించుకున్నా అలా నడుస్తున్నప్పుడు..ఒకసారి ఓ గుర్తుతెలియని వ్యక్తి నా దగ్గరకు వచ్చి నాతో మాట్లాడాలని చెప్పారు. కాంగ్రెస్ నేతలు నిజంగానే జమ్మూకశ్మీర్‌కు వచ్చి ఇక్కడి ప్రజల కష్టాలు తెలుసుకోవాలనుకుంటున్నారా?అని అడిగారు. ఆ తర్వాత కొంతసేపటికి ఆ వ్యక్తి..కాస్త దూరంగా ఉన్న కొంతమందిని చూపిస్తూ వాళ్లంతా ఉగ్రవాదులు అని చెప్పారు. ఆసమయంలో నేను నిజంగానే సమస్యల్లో ఉన్నానేమోనని అన్పించింది. ఎందుకంటే అలాంటి పరిస్థుల్లో ఆ ముష్కరులు నన్ను చంపేసేవారని కానీ అలా చేయలేదని…దీన్ని లిజనింగ్‌ శక్తి అంటారని రాహుల్ అన్నారు. గతేడాది సెప్టెంబర్‌7వ తేదీన తమిళనాడులోని కన్యాకుమారి నుంచి రాహుల్ భారత్ జోడో యాత్ర చేపట్టిన సంగతి తెలిసిందే.
ఇవి కూడా చదవండి…
