నేచురల్ స్టార్ నాని హీరోగా టాలెంటెడ్ దర్శకుడు శ్రీకాంత్ ఓదెల దర్శకత్వంలో మాస్, యాక్షన్ ఎంటర్‌టైనర్ గా ”దసరా” చిత్రం రూపొందుతోంది. ప్రముఖ నిర్మాత సుధాకర్ చెరుకూరి తన శ్రీ లక్ష్మీ వెంకటేశ్వర సినిమాస్‌ బ్యానర్ పై భారీ బడ్జెట్‌తో ప్రతిష్టాత్మకంగా నిర్మిస్తున్నారు.జాతీయ అవార్డు విజేత కీర్తి సురేష్ కథానాయికగా నటిస్తున్న ఈ చిత్రం తెలుగు, తమిళం, కన్నడ, మలయాళం, హిందీ భాషల్లో నాని తొలి పాన్ ఇండియా చిత్రంగా రాబోతుంది.
శరవేగంగా సినిమా షూటింగ్‌ జరుగుతుండగా ఇప్పటికే విడుదలైన పోస్టర్లు, గ్లింప్స్ సినిమాపై భారీ అంచనాలు పెంచాయి. తాజాగా చిత్రంలోని ఫస్ట్ సింగిల్ ‘ధూమ్‌ ధామ్‌ దోస్తాన్‌’ పాటను అక్టోబర్‌ ౩న రిలీజ్‌ చేయనున్నట్లు ప్రకటించారు మేకర్స్‌. అంతేకాకుండా ఓ పోస్టర్‌ను కూడా చేశారు. ఈ పోస్టర్‌లో నాని ఊరమాస్ అవతారంలో కనిపించారు.
ఈ సినిమా కోసం నాని తన రెమ్యునరేషన్‌ కూడా తగ్గించుకున్నారని సమాచారం.
