బుల్లితెర‌పై వ‌చ్చిన బిగ్ బాస్ బాస్ సిజ‌న్ 1 ఎంత పెద్ద విజ‌యం సాధించిందో మ‌న‌కు తెలిసిందే. అయితే బిగ్ బాస్ 1లో హోస్ట్ గా ఎన్టీఆర్ చేయ‌గా..బిగ్ బాస్ సీజ‌న్ 2లో న్యాచుర‌ల్ స్టార్ నాని హోస్ట్ గా చేయ‌నున్నాడు. ఎన్టీఆర్ త‌న సినిమాల‌తో బిజిగా ఉండ‌టం వ‌ల్ల నానిని హోస్ట్ గా తీసుకున్నారు. సీజ‌న్ 2 కు సంబంధించి అన్ని ఏర్పాట్లు పూర్త‌య్యాయి. ఈషో ప్ర‌సారానికి ముహుర్తాన్ని కూడా ఫిక్స్ చేశారు బిగ్ బాస్ టీం. ఈనెల 10 వ తేది నుండి ఈ షోను నిర్వ‌హిస్తున్న‌ట్లు తెలిపారు.
ఇప్ప‌టికే ఈషోకు సంబంధించి ప‌లు ప్రోమో లు కూడా విడుద‌ల చేశారు. జూన్ 10నుంచి మొద‌లు కాబోయే ఈషోలో మొత్తం 16 మంది కంటెస్టెంట్ లు హాజ‌రుకానున్నారు. త్వ‌ర‌లో విరి పేర్ల‌ను కూడా ప్ర‌క‌టించే అవ‌కాశాలు ఉన్నాయి. ఇప్ప‌టికే సగం మంది పేర్లు బ‌య‌ట‌కు రావడంతో ఇంకా కొంద‌రి పేర్లు తెలియాల్సి ఉంది. అయితే సిజ‌న్ 1లో ఈషోను మొత్తం 70 రోజులు మాత్ర‌మే నిర్వ‌హించిన విష‌యం తెలిసిందే. ఈసీజ‌న్ లో మాత్రం మొత్తం 100రోజులు నిర్వ‌హించ‌నున్న‌ట్లు తెలిపారు.
100రోజులు, 16మంది సెల‌బ్రిటీలు, 1 బిగ్ హౌస్..బిగ్ బాస్ 2తో నాచుర‌ల్ స్టార్ నాని బుల్లితెర ప్రేక్ష‌కుల ముందుకు రాబోతున్నాడు. ఇందులో పార్టిసిపెంట్స్ విష‌యంలో చాలామంది పేర్లు వినిపిస్తున్నప్ప‌టికి ..ఇంకా ఎవ‌రిపేర్లను అధికారికంగా ప్ర‌క‌టించ‌లేదు. మొత్తం 16 మందిలో కొందరు స్టార్ హీరోలు మరికొందరు కారెక్టర్ ఆర్టిస్టులు, ఇంకొందరు సీనియర్ నటులు ఉంటారని పలువురి పేర్లు వినిపిస్తున్నాయి. బిగ్ బాస్ 2లో సెల‌బ్రెటీల విష‌యంలో ప‌లువురు పేర్లు విన‌బ‌డుతున్నాయి. తాజాగా మరో హీరో పేరు తెరపైకి రావడం ఆసక్తి రేపుతోంది. నంద‌మూరి హీరో తార‌క‌ర‌త్న ఇందులో పార్టిసిపెంట్ గా వ‌స్తున్నాడ‌ని ఫిలిం న‌గ‌ర్ వ‌ర్గాల్లో చ‌ర్చ న‌డుస్తోంది. ఈసారి కూడా నంద‌మూరి ఫ్యామిలీ నుంచి మరో హీరో బిగ్ బాస్ లో సంద‌డి చేయ‌నున్నాడు.
