ఎంత ఎదిగినా ఒదిగి ఉండాలంటారు. ఈ మాట మహేబాబు భార్య నమ్రతకు కరెక్ట్ గా సరిపోతుంది. మోడల్ గా, హీరోయిన్ గా.. మిస్ ఇండియాగా.. నమ్రత కెరియర్ లో అన్నీ విజయాలే. వీటన్నంటికన్నా మించి ఒక ఇల్లాలిగా నమ్రత ఎంతో వినమ్రంగా జీవితాన్నిగడుపుతున్నారు. ఓ నెల్లాళ్ల క్రితం కుటుంబంతో కలిసి తిరుమల వెంకన్న సన్నిధికి వెళ్లిన నమ్రత.. ఆ వెంకన్నకు మొక్కులో భాగంగా గుండు చేయించుకుంది. మహేష్ భార్య నమ్రతా శిరోద్కర్ అలా కనిపించేసరికి చాలా మంది ఆశ్చర్యపోయారు.
అప్పటి నుండి మళ్లీ మీడియా కంట పడలేదు. ఇటీవల మహేష్-కొరటాల కాంబినేషన్‌లో మహేష్ 24వ సినిమా పూజా కార్యక్రమాల్లో మళ్లీ కనిపించింది నమ్రత. తాజాగా తన అలనాటి ఓ స్నేహితురాలితో కలిసి దిగిన ఫోటో ఇలా మీడియాలోకి వచ్చింది. ప్రస్తుతం మహేష్ అండ్ ఫ్యామిలీ ముంబైలో ఉన్నారు. అక్కడ స్నేహితులు.. ఫ్యామిలీ ఫ్రెండ్స్ తో ఎంజాయ్ చేస్తున్నారు. సోషల్ సైట్లలో కూడా యాక్టివ్ గా ఫోటోలు షేర్ చేసే నమ్రత ఆ పని కూడా చేయలేదు. ఇప్పుడు కొద్దిగా హెయిర్ వచ్చిన తర్వాత తన కొత్త లుక్ ని అభిమానులకు చూపించడం విశేషం.
ఇక మురుగదాస్ మూవీతో బిజీగా ఉన్నా మహేష్.. ఫ్యామిలీ కోసం కొంత బ్రేక్ తీసుకున్నాడు. ఈ ఫోటోలో వెనకాల సూపర్ స్టార్ మహేష్ కూడా కనిపిస్తున్నాడు. మహేష్ అంత సీరియస్ గా డిస్కసన్స్ చేస్తున్నదెవరో కాదు.. మహేష్ కి ఎంతో సన్నిహితులైన దర్శకులు కొరటాల శివ.. మెహర్ రమేష్‌లతో.
