 సమావేశానికి అధ్యక్షత వహించారు. ఈ సమావేశంలో దేశవ్యాప్తంగా వివిధ అభివృద్ధి ప్రాజెక్టుల పురోగతిని){kind=link}
ప్రధానమంత్రి నరేంద్ర మోదీ 54వ ప్రగతి (PRAGATI) సమావేశానికి అధ్యక్షత వహించారు. ఈ సమావేశంలో దేశవ్యాప్తంగా వివిధ అభివృద్ధి ప్రాజెక్టుల పురోగతిని సమీక్షించడంతో పాటు కీలక రంగాల అభివృద్ధిపై చర్చించారు. 31 రాష్ట్రాలు, కేంద్రపాలిత ప్రాంతాలకు సంబంధించిన రూ.16,000 కోట్లకు పైగా విలువైన ప్రాజెక్టులను సమీక్షించినట్లు మోదీ వెల్లడించారు.
రైల్వే స్టేషన్లను బహుళ రవాణా సదుపాయాలు కలిగిన కేంద్రాలుగా అభివృద్ధి చేసే అంశంపై సమావేశంలో ప్రత్యేకంగా దృష్టి సారించారు. ప్రయాణికులకు మెరుగైన సౌకర్యాలు కల్పించడంతో పాటు వివిధ రవాణా మార్గాల మధ్య అనుసంధానాన్ని పెంచేందుకు ఈ చర్యలు దోహదపడనున్నాయి.
ఔషధాల తయారీ రంగంలో స్వయం సమృద్ధిని సాధించడం కూడా సమావేశంలోని ప్రధాన అంశాల్లో ఒకటిగా నిలిచింది. దేశీయంగా ఔషధాల ఉత్పత్తి సామర్థ్యాన్ని పెంచడం ద్వారా ఈ రంగంలో స్వావలంబనను బలోపేతం చేయడంపై చర్చించారు. అలాగే స్థానిక వ్యాపారులు, చేతివృత్తుల కళాకారులకు మరిన్ని అవకాశాలు కల్పించేందుకు ఏక్తా మాల్స్ అభివృద్ధి చేయడంపై దృష్టి పెట్టారు.
Also Read:హ్యాపీగా ఎంజాయ్ చేసే ‘దొంగ నా కొడుకు’
ఈ సమావేశానికి సంబంధించిన వివరాలను ప్రధాని మోదీ సోషల్ మీడియా వేదికగా వెల్లడించారు. అభివృద్ధి ప్రాజెక్టులను వేగంగా ముందుకు తీసుకెళ్లడం, నిర్దేశించిన గడువులోగా పనులను పూర్తి చేయడం ప్రభుత్వ ప్రాధాన్యమని పేర్కొన్నారు. ప్రజలకు స్పష్టమైన ఫలితాలు అందించడంతో పాటు దీర్ఘకాలిక ప్రయోజనాలు కల్పించడమే లక్ష్యమని తెలిపారు.
