తన కారు డ్రైవర్‌ పెళ్లికి హాజరైన ఎమ్మెల్సీ కవిత..

రాజన్న సిరిసిల్ల జిల్లాలోని ముస్తాబాద్‌లో జరిగిన తన కారు డ్రైవర్‌ వివాహ వేడుకలకు ఎమ్మెల్సీ కల్వకుంట్ల కవిత దంపతులు హాజరయ్యారు. జిల్లాలోని ముస్తాబాద్‌ మండల కేంద్రంలోని ఏఎంఆర్‌ గార్డెన్‌లో తన కారు డ్రైవర్‌ నామాపూర్‌కు చెందిన జినుక దేవయ్య వివాహం విజయలక్ష్మితో గురువారం జరుగగా ఎమ్మెల్సీ కవిత భర్త అనిల్‌కుమార్‌తో కలిసి హాజరై నూతన వధూవరులను ఆశీర్వదించారు. స్థానిక గ్రామ పంచాయతీలో పాలకవర్గ సభ్యులు కవితను సన్మానించారు.

ఈ రోజు మా కారు డ్రైవర్ దేవరాజ్ పెళ్లికి హాజరయ్యాము, దేవరాజ్‌ మాకు డ్రైవర్ కన్న మా కుటుంబంలో ఒక్కడిలా ఉన్నాడు. నవదంపతులకు శుభాకాంక్షలు మరియు సంతోషకరమైన వైవాహిక జీవితానికి అభినందనలు అంటు ఎమ్మెల్సీ కవిత ట్విట్టర్‌లో పేర్కొన్నారు.