ఓటు హక్కు వినియోగించుకున్న మంత్రి పువ్వాడ..

తెలంగాణలోని గ్రేటర్ వరంగల్, ఖమ్మం కార్పొరేషన్లు, మరో ఐదు మున్సిపల్‌ కార్పొరేషన్లకు పోలింగ్ కొన‌సాగుతోంది. ఖమ్మం మున్సిపల్ కార్పోరేషన్ (కేఎంసీ) ఎన్నికల పోలింగ్ సందర్భంగా రవాణా శాఖ మంత్రి పువ్వాడ అజయ్ కుమార్ , ఆయన సతీమణి పువ్వాడ వసంతలక్ష్మి , తనయుడు DR.పువ్వాడ నయన్ రాజ్‌తో కలిసి హార్వెస్ట్‌ స్కూల్‌లో తమ ఓటు హక్కును వినియోగించుకున్నారు. అధికారులు కొవిడ్‌ నిబంధనలకు అనుగుణంగా పోలింగ్‌ కేంద్రాల్లో ఏర్పాట్లు చేశారని ఆయన వెల్లడించారు. ఓటర్లు భయపడాల్సిన అవసరం లేదని, ప్రతి ఒక్కరు ఓటింగ్‌లో పాల్గొనాలని సూచించారు.