వరంగల్‌లో మంత్రి ఎర్రబెల్లి పర్యటన..

వరంగల్‌లో పర్యటించారు మంత్రి ఎర్రబెల్లి దయాకర్ రావు. ఉర్సు గుట్ట జక్క లొద్ది ప్రధాన రహదారి లో కొత్తగా నిర్మించిన అవంత గ్రాండ్ హోటల్ ని ప్రారంభించారు. ఈ సందర్భంగా హోటల్ ను పరిశీలించి అభినందించారు. హోటల్ నిర్వాహకులు డాక్టర్ కె. హితేశ్ కుమార్, అతని తల్లి దండ్రులను అభినందించారు. వారికి శుభాకాంక్షలు తెలిపారు. హోటల్ బాగా నడవాలని ఆకాంక్షించారు.

అంతకముందు కాకతీయ అర్బన్ డెవలప్ మెంట్ అథారిటీ (కుడా) ప్రాజెక్ట్ ఆఫీసర్ అజిత్ రెడ్డి కూతురు సిరిచందన వివాహం ఈ నెల 13న జరగనున్న సందర్భంగా, శుక్రవారం హన్మకొండ అడ్వకేట్ కాలనీలోని ఆయన నివాసానికి వెళ్లి అభినందించి, శుభాకాంక్షలు తెలిపారు. అజిత్ రెడ్డి కుటుంబ సభ్యులను కలిసి, సిరిచందనను దీవించారు మంత్రి.