రాష్ట్ర పంచాయతీరాజ్, గ్రామీణాభివృద్ధి, గ్రామీణ మంచినీటి సరఫరా శాఖ మంత్రి ఎర్రబెల్లి దయాకర్ రావుకి దేశ విదేశాల్లోనూ అభిమానులు ఉన్నారు. ఆయన ఎక్కడకు వెళ్ళినా అది స్పష్టమవు తూ నే ఉంటుంది. ఆయన జన్మదిన వేడుకలు ఇదే విషయాన్ని మరోసారి రుజువు చేశాయి. జూలై 4వ తేదీన మంత్రి ఎర్రబెల్లి పుట్టిన రోజు. కరోనా నేపథ్యంలో ఆయన వేడుకలకు దూరంగా ఉన్నారు.
పార్టీ శ్రేణులు, ఆయన అభిమానులకు కూడా ఇలాగే పిలుపు నిచ్చారు. తన పుట్టిన రోజున మొక్కలు నాటాలని సూచించారు. దీంతో ఆయన అభిమానులు ఒక్క తన పాలకుర్తి నియోజకవర్గం లోనే, లక్ష మొక్కలు నాటారు. గవర్నర్లు, మాజీ గవర్నర్లు, సీఎం గారు, మంత్రులు, ఎంపీ లు, ఎమ్మెల్సీలు, ఎమ్మెల్యేలు, మాజీ ప్రజాప్రతినిధులు శుభాకాంక్షలు తెలిపారు. ఇదే వరుసలో ఆయన అభిమానులు అమెరికా లోనూ మంత్రి ఎర్రబెల్లి పుట్టిన రోజు వేడుకలు జరిపారు. అమెరికా లోని మిడ్ వెస్ట్ ఇంచార్జీ అల్లంనేని నిరంజన్ ఆధ్వర్యంలో కేక్ కట్ చేసి వేడుకలు నిర్వహించారు.
