మెగా ఫ్యామిలీలో ఇప్పటి వరకు హీరోలే వెండితెరపై సందడి చేస్తూ రాగా…ఇటీవలే నాగబాబు కూతురు నిహారిక బుల్లితెరపై టీవీషోస్‌ ద్వారా అలరించి మంచి గుర్తింపు తెచ్చుకున్నారు. ఆతర్వాత ఒక మనసు అనే సినిమాతో హీరోయిన్‌గా వెండితెరకు పరిచయమైంది. అయితే ఈ సినిమా తనకు అనుకునంత గుర్తింపు తీసుకరాలేకపోవడంతో తన తదుపరి సినిమాకు సంబంధించి ఆచితూచి అడుగులు వేస్తోంది మెగా డాటర్ నిహారికా.
ఇక ఇప్పుడు రెండో సినిమా మొదలుపెట్టేందుకు కాస్త సమయం తీసుకోనున్న ఆమె, ఈ గ్యాప్‌లో ఓ వెబ్ సిరీస్ చేసేందుకు సిద్ధమవుతున్నారు. ఈ సారి ఆమె చేస్తోన్న వెబ్ సిరీస్ పేరు ‘నాన్న కూచి’.ఈ వెబ్ సిరీస్ లో నిహారిక తండ్రిగా నాగబాబు నటిస్తుండటం విశేషం. రియల్ లైఫ్ లో మాదిరిగానే ఈ ఇద్దరూ తండ్రీ కూతుళ్ల పాత్రలను పోషిస్తుండటంతో ఈ వెబ్ సిరీస్ పై మరింత ఆసక్తి పెరిగింది. గతంలో నిహారికా వెబ్ సిరీస్ తో చేసిన ‘ముద్దపప్పు ఆవకాయ’మంచి పేరు తెచ్చుకున్న సంగతి తెలిసిందే. ‘ముద్దపప్పు ఆవకాయ్‌’వెబ్ సిరీస్ తీసిన ప్రణీత్‌ ఈ చిత్రానికి దర్శకుడు.
ఈ సినిమ షూటింగ్‌ నిన్న హైదరాబాద్‌లో మొదలైంది. ఈసందర్భంగా నిహారిక మాట్లాడుతూ – ‘‘నాన్నతో నటించడానికి భయపడలేదు. హీ ఈజ్‌ వెరీ కూల్‌. ఇంట్లో మేం ఎలా ఉంటామో.. ఈ సినిమాలోనూ అలాంటి పాత్రల్లోనే నటిస్తున్నాం. ఈ సినిమా ఫస్ట్‌లుక్‌ పోస్టర్‌ని నిహారికా సోషల్‌ మీడియాలో పోస్ట్‌ చేయగా… చాలామంది వెబ్ సిరీస్ అనుకున్నారు. కానీ, ఇది ఫీచర్‌ ఫిల్మ్‌’’అని నిహారికా క్లారిటీ ఇచ్చింది. ఈ సినిమాకి నిర్మాత కూడా తానే అని నిహారికే తెలిపారు. వెండితెరపై తొలి చిత్రం ‘ఒక మనసు’తర్వాత ఆమె నటిస్తున్న రెండో సిన్మా ‘నాన్న కూచి’.
ఇక నిహారికా సినిమాల విషయానికి వస్తే….అవసరాల శ్రీనివాస్‌ దర్శకత్వంలో ఆమె ఓ సినిమా చేయనున్నట్లు టాలీవుడ్‌లో గుసగుసలు వినిపిస్తున్నాయి. ప్రస్తుతం ఈసినిమా సబ్జెక్ట్‌పై చర్చలు జరుగుతున్నాయట. ఈచిత్రం పెళ్ళిచూపులు హీరో విజయ్‌ దేవరకొండ హీరోగా నటించే ఛాన్స్‌ వుందని సమాచారం. అల్లుఅరవింద్‌ ఈ చిత్రాని నిర్మాతగా వ్యవహారిస్తారని ఫిల్మ్‌నగర్‌లో గాసిప్స్‌ వినిపిస్తున్నాయి.
