హైదరాబాద్ మాదాపూర్‌లోని మెడికవర్ హాస్పిటల్ ఆధ్వర్యంలో ‘మా’ సభ్యులకు ఉచిత వైద్య శిబిరం ఏర్పాటు చేశారు. ఇందులో భాగంగా ఆదివారం ఉదయం నుండి దాదాపు రెండు వందల మంది ‘మా’ అసోషియషన్ సభ్యులు హైల్త్ చేకప్ చేయించుకున్నారు. ఈ కార్యక్రమానికి ముఖ్య అతిథిగా ‘మా’ అసోషియషన్ అధ్యక్షులు మంచు విష్ణు పాల్గొన్నారు. అనంతరం మీడియా సమావేశం నిర్వహించారు.
ఈ సందర్భంగా మంచు విష్ణు మాట్లాడుతూ.. మా మూవీ అసోషియషన్ సభ్యుల ఆరోగ్యాన్ని దృష్టిలో పెట్టుకుని వైద్య శిబిరం ఏర్పాటు చేయడం జరిగింది. సభ్యత్వం కలిగిన ప్రతి ఒక్కరు ఈ అవకాశాన్ని సద్వినియోగం చేసుకోవాలని కోరారు. హైల్త్ చేకప్‌లో పది రకాల వైద్య పరీక్షలు నిర్వహించడం జరుగుతుంది. మా మూవీ అసోషియషన్ అండగా ఉండి వైద్య శిబిరం ఏర్పాటు చేసిన మెడికవర్ హాస్పిటల్ వారికి అభినందనలు తెలిపారు. ఈ కార్యక్రమంలో మా అసోషియషన్ సభ్యులు రఘుబాబు,శివ బాలాజీ, మెడికవర్ యండి అనిల్ కృష్ణ, డాక్టర్ రవి తదితరులు పాల్గొన్నారు.
